Enter your Email Address to subscribe to our newsletters
खड़गपुरम्, 02 जूनमासः (हि. स.)।
पश्चिममेदिनीपुरजनपदस्य खड़गपुरक्षेत्रे अन्नपूर्णायोजनायाः प्रपत्रवितरणं प्रति तृणमूलकांग्रेसस्य एकस्य पार्षदस्य विरुद्धम् अनियमिततायाः नियमउल्लङ्घनस्य च आरोपाः समुपस्थिताः सन्ति। आरोपः अस्ति यत् अनुमतिविना खड़गपुर आईआईटी परिसरस्थिते एकस्मिन् प्राथमिकविद्यालये वार्डसंख्या-३० इत्यस्य पार्षदः देवाशीष सेनगुप्त स्वसमर्थकैः सह अन्नपूर्णायोजनायाः प्रपत्राणि वितरयति स्म।
स्थानीयसूत्राणाम् अनुसारं विद्यालयपरिसरे अनुमतिविना प्रपत्रवितरणस्य परिवादं प्राप्य खड़गपुर आईआईटी चौकी पुलिस घटनास्थलं प्राप्नोत्। पुलिस पार्षदं तस्य केचन समर्थकांश्च पृच्छार्थं स्वसह गृहीत्वा गतवती। अनन्तरं तान् थाना प्रति नीत्वा सम्पूर्णप्रकरणस्य परिशीलनम् आरब्धम्। अस्य घटनाक्रमस्य विषये राजनीतिकवृत्तेषु अपि चर्चा तीव्रा अभवत्।
आरोपकर्तारः वदन्ति यत् सरकारीयोजनायाः प्रपत्रवितरणप्रक्रियायां नियमानां पालनं न कृतम्। अपरपक्षे अस्मिन् विषये पार्षदस्य पक्षतः तात्कालिकी का अपि आधिकारिकप्रतिक्रिया न प्राप्ता।
उल्लेखनीयम् अस्ति यत् अस्मात् पूर्वम् अपि सम्बद्धस्य तृणमूलनेतुः विरुद्धं नियुक्तिप्रदानस्य नाम्ना जनानां समीपात् धनग्रहणं सहिताः विविधाः आरोपाः कृताः आसन्। तथापि तेषाम् आरोपाणां सत्यता तथा कानूनीस्थितिः विषये कापि आधिकारिकपुष्टिः न अभवत्।
आरक्षी उक्तवान् यत् प्रकरणस्य सर्वेषां पक्षाणां परिशीलनं क्रियते। जाँचसमाप्तेः अनन्तरमेव घटनासम्बद्धा स्पष्टा सूचना समक्षं भविष्यति।
---------------
Hindusthan Samachar / Dheeraj Maithani