Enter your Email Address to subscribe to our newsletters
भोपालम्, 02 जूनमासः (हि.स.)।
मध्यप्रदेशस्य पूर्वमुख्यमन्त्रिणः स्वर्गीयबाबूलालगौरस्य जन्मजयन्त्याः अवसरम् उपलक्ष्य अद्य २ जून तमे दिने तस्य स्मृतौ भजनसन्ध्यायाः आयोजनं क्रियते। अस्मिन् अवसरे भजनानां माध्यमेन स्वर्गीयगौरस्य व्यक्तित्वं कृतित्वं च स्मारयित्वा तस्मै सामूहिकरूपेण श्रद्धाञ्जलिः अर्पितो भविष्यति।
मध्यप्रदेशस्य पृष्ठवर्ग तथा अल्पसंख्यककल्याणराज्यमन्त्री स्वतन्त्रप्रभारयुक्ता कृष्णागौर अवदत् यत् श्रद्धेय बाबूजी स्वर्गीयबाबूलालगौरस्य स्मृतौ आयोजिता भजनसन्ध्या सायं षड्वादनात् प्रारभ्य भविष्यति।
राज्यमन्त्री गौर क्षेत्रस्य सर्वान् स्नेहीजनान् कार्यकर्तॄन् सामान्यनागरिकान् च अस्मिन् आत्मीयआयोजने सहभागितां कर्तुम् आग्रहं कृतवती। तया सर्वान् आमन्त्र्य उक्तं यत् सर्वेषां गरिमामयी उपस्थितिः श्रद्धेयबाबूजी प्रति अस्माकं सामूहिकश्रद्धाञ्जलिं सम्मानं च अधिकं सार्थकं करिष्यति।
---------------
Hindusthan Samachar / Dheeraj Maithani