शिमला, 02 जूनमासः (हि.स.)।

राज्यपालः कविन्द्र गुप्त मंगलवासरे लोकभवने आयोजितस्य तेलंगानास्थापनादिवससमारोहस्य अध्यक्षतां कृतवान्। अयं कार्यक्रमः ‘एक भारत श्रेष्ठ भारत’ इत्यस्य पहलस्य अन्तर्गतं आयोजितः आसीत्। राज्यपालः उक्तवान् यत् एषा राष्ट्रव्यापिनी पहल प्रधानमन्त्रिणा नरेन्द्र मोदिना राष्ट्रियएकतायाः सुदृढीकरणाय भारतस्य राज्येषु केन्द्रशासितप्रदेशेषु च सांस्कृतिकसमन्वयस्य प्रोत्साहनार्थं प्रारब्धा अस्ति।

अस्मिन् अवसरे राज्यपालः स्वसम्बोधने उक्तवान् यत् विभिन्नराज्यानां स्थापनादिवसानां आयोजनात् तेषां समृद्धसांस्कृतिकनिक्षेपस्य, परम्पराणां तथा राष्ट्रनिर्माणे तेषां योगदानस्य परिचयः सम्मानश्च भवति। तेन उक्तं यत् एतादृशाः कार्यक्रमाः नागरिकाणां मध्ये भ्रातृत्वस्य, एकतायाः तथा देशभक्तेः भावनां सुदृढां कुर्वन्ति तथा तेषां जनानां प्रयासानां बलिदानानां च स्मरणस्य अवसरं ददति, ये स्वस्वराज्यानां गठनविकासयोः कृते कार्यं कृतवन्तः।

कविन्द्र गुप्तः उक्तवान् यत् ‘एक भारत श्रेष्ठ भारत’ इति दूरदर्शिनी पहल अस्ति, यस्य उद्देश्यं एकीकृतस्य, समृद्धस्य तथा सौहार्दपूर्णस्य भारतस्य निर्माणम् अस्ति। तेन उक्तं यत् अयं कार्यक्रमः जनान् देशस्य विविधतां ज्ञातुं तस्याः सम्मानं कर्तुं च प्रेरयति तथा राष्ट्रियएकतायाः भावनां अधिकं सुदृढां करोति।

राज्यपालः उक्तवान् यत् भारतं भाषाणां, संस्कृतीनां, परम्पराणां तथा रीतिनीतीनां अपारविविधतायुक्तः देशः अस्ति, यस्य एकता एव तस्य महान् शक्तिः अस्ति। तेन उक्तं यत् जनाः भिन्नभिन्नराज्येभ्यः, समुदायेषु, जातिषु अथवा धर्मेषु सम्बद्धाः भवन्तु, किन्तु तेषां प्रथमपरिचयः भारतीयत्वेन एव अस्ति। तेन समाजस्य सर्वेषु वर्गेषु एकतायाः, सद्भावस्य, पारस्परिकसम्मानस्य तथा राष्ट्रियगौरवस्य सन्देशं निरन्तरं प्रसारयितुं आवश्यकतायां बलं दत्तम्।

तेन उक्तं यत् ‘एक भारत श्रेष्ठ भारत’ इत्यस्य भावना नागरिकान् देशस्य सामूहिकाकांक्षाणां पूर्तये एकत्रितरूपेण कार्यं कर्तुं तथा सुदृढसमावेशीभारतस्य निर्माणदिशि अग्रे गन्तुं प्रेरयति।

अस्मिन् अवसरे राज्यपालः समारोहेन सम्बद्धान् तेलंगानानागरिकान् सम्मानितवान् अपि।

---------------

Hindusthan Samachar / Dheeraj Maithani