देवघरम्, 02 जूनमासः(हि.स.)।मङ्गलवासरे देवघरस्थिते अखिलभारतीयआयुर्विज्ञानसंस्थाने देवघरे स्वास्थ्यसेवानां विस्तारस्य दिशि एकं महत्त्वपूर्णं पदं स्थापितम्। गोड्डासांसदः डॉ निशिकान्तदुबे एम्सपरिसरे अत्याधुनिकरक्तकेन्द्रस्य रक्तभण्डारस्य उद्घाटनम् अकरोत्।

अस्मिन् अवसरे एम्ससंस्थायाः अधिकारिणः चिकित्सकाः अन्ये गणमान्यजनाः च उपस्थिताः आसन्। सांसदः डाक्टरनिशिकान्तदुबे फीता छित्त्वा रक्तकेन्द्रस्य उद्घाटनम् अकरोत्। अस्मिन् अवसरॆ सः अवदत् यत् रक्तकेन्द्रस्य प्रारम्भेण क्षेत्रस्य रोगिणां कृते समये सुरक्षितरक्तस्य उपलब्धतायां सहायता भविष्यति। सहैव आपत्कालीनपरिस्थितिषु अपि रोगिभ्यः उत्तमचिकित्सासुविधा प्राप्तुं शक्यते। सः अवदत् यत् एषा संथालपरगनाक्षेत्रस्य कृते महती सौगात् अस्ति। प्रधानमन्त्रिणा देवघरे एम्ससंस्थायाः स्थापना कृता येन क्षेत्रस्य जनानां कृते उत्तमस्वास्थ्यसुविधाः उपलब्धाः अभवन्।

सांसदः अवदत् यत् नवीनरक्तकेन्द्रस्य माध्यमेन रक्तस्य अपव्ययः निरोद्धुं शक्यते तथा रक्तस्य विविधघटकाः यथा प्लाज्मा आरबीसी रक्तलोहिकाः तथा प्लेटलेट्स पृथक् पृथक् आवश्यकतायुक्तरोगिभ्यः प्रभावीरूपेण प्रदातुं शक्यन्ते। सांसदः अवदत् यत् यस्मिन् क्षेत्रे वर्ष २००९ पर्यन्तं एकस्य एक्सरेयन्त्रस्य अपि समुचिता सुविधा नासीत् तत्र अद्य अत्याधुनिकम् एम्स संस्थानं सञ्चालितं वर्तते। अतः एतत् रक्तकेन्द्रं स्वास्थ्यसेवान् अधिकं सुदृढं करिष्यति।

सः अवदत् यत् रक्तस्य आवश्यकता सर्वाधिकं आपत्कालीनचिकित्सापरिस्थितिषु भवति तथा अधुना एषा सुविधा एम्ससंस्थायां उपलब्धा भविष्यति। एम्सप्रबन्धनेन उक्तं यत् रक्तकेन्द्रस्य सञ्चालनात् केवलं देवघरस्य न अपितु समीपवर्तिजनपदानां रोगिणाम् अपि लाभः भविष्यति। एषा सुविधा स्वास्थ्यसेवान् अधिकं सशक्तं कर्तुं दिशि महत्त्वपूर्णा पहल सिद्धा भविष्यति।

कार्यक्रमस्य समये डा नितिनएम्गंगाने इत्यनेन सहिताः एम्ससंस्थायाः चिकित्सकाः कर्मचारिणः तथा बहुसंख्यकाः सामान्यजनाः उपस्थिताः आसन्।

---------------

Hindusthan Samachar / Dheeraj Maithani