Enter your Email Address to subscribe to our newsletters
भोपालनगरम्, ०२ जूनमासः (हि.स.)। मध्यप्रदेश-राज्यस्य शासकीय-विद्यालयेषु अध्ययनरतानां विद्यार्थिनां कृते गुणवत्तापूर्ण-शिक्षा-प्रदानाय उत्तम-अधिगम-फलानां च प्राप्तये शिक्षकैः प्रशिक्षणं प्रदीयते। एतत् प्रशिक्षणम् अद्य (०२ जून) आरभ्यते। अस्मिन् प्रशिक्षण-कार्यक्रमे प्रदेशस्य सर्वेभ्यः जनपदेभ्यः चयनिताः शिक्षकाः राज्यस्तरीय-मास्टर-प्रशिक्षकत्वेन प्रशिक्ष्यन्ते।
उल्लेखनीयम् अस्ति यत् प्रदेश-सर्वकारस्य राज्य-शैक्षिक-प्रबन्धन-प्रशिक्षण-संस्थानस्य तथा लोक-शिक्षण-संचालनालयस्य असेस्मेण्ट-सेल इत्यस्य संयुक्त-तत्वावधाने राज्यस्य सर्वेभ्यः जनपदेभ्यः चयनितानां शिक्षकेभ्यः प्रशिक्षणं प्रदीयते। राज्यस्तरीय-प्रशिक्षक-प्रशिक्षण-कार्यक्रमस्य शुभारम्भः अद्य ऑल-इण्डिया-कैथोलिक-विश्वविद्यालय-फेडरेशन इत्यत्र क्रियते। एषः प्रशिक्षण-कार्यक्रमः समग्र-शिक्षा-अभियानस्य अन्तर्गतम् आयोज्यते।
प्रदेशस्य १८७२ शिक्षकाः अस्मिन् प्रशिक्षण-कार्यक्रमे सम्मिलिताः भविष्यन्ति। १२ विषयेषु प्रत्येकं जनपदात् चयनिताः ३-३ शिक्षकाः मास्टर-प्रशिक्षकत्वेन प्रशिक्ष्यन्ते। प्रशिक्षणं प्राप्त्वा एते शिक्षकाः स्व-स्व-जनपदेषु अन्यान् शिक्षकेभ्यः प्रशिक्षणं दत्त्वा मूल्याङ्कन-अधिगम-सुधार-क्रियाकलापान् अधिक-प्रभाविणः कर्तुं महत्त्वपूर्णां भूमिकां निर्वक्ष्यन्ति।
प्रशिक्षणस्य उद्देश्यं विद्यालय-शिक्षायां मूल्याङ्कन-प्रणालीं अधिक-प्रभाविणी, वैज्ञानिक-आधारिता, विद्यार्थी-केंद्रितां च कर्तुम् अस्ति। अस्य प्रशिक्षणस्य माध्यमेन शिक्षकेभ्यः आधुनिक-मूल्याङ्कन-प्रविधयः, उच्च-गुणवत्तायुक्त-प्रश्नपत्र-निर्माणम्, परीक्षा-परिणामानां विश्लेषणम्, तथा मूल्यानां व्यवहार-सम्बद्धं व्यावहारिक-प्रशिक्षणं च प्रदीयते।
अस्मिन् प्रशिक्षण-कार्यक्रमे हिन्दी, आङ्ग्लभाषा, संस्कृतम्, गणितम्, रसायन-विज्ञानम्, भौतिक-विज्ञानम्, जीव-विज्ञानम्, इतिहासः, भूगोलः, अर्थशास्त्रम्, राजनीति-विज्ञानम् तथा वाणिज्यम् इत्यादयः कुल-१२ विषयाः अन्तर्भवन्ति। प्रत्येकं जनपदात् चयनिताः शिक्षकाः प्रशिक्षक-प्रशिक्षकत्वेन प्रशिक्ष्यन्ते।
अनेन प्रयासेन विद्यालयेषु आयोजितानां मासिक-त्रैमासिक-अर्धवार्षिक-प्री-बोर्ड-वार्षिक-परीक्षाणां गुणवत्ता वर्धिष्यते। तथा च विद्यार्थिनां अधिगम-उपलब्धीनां अधिक-सटीक-मूल्याङ्कनं सम्भविष्यति, येन तेषां शैक्षणिक-आवश्यकतानुरूपाः सुधारात्मक-योजनाः निर्मातुं शक्यन्ते।
प्रशिक्षण-कालावधौ शिक्षकेभ्यः परीक्षा-परिणाम-विश्लेषण-आधारितं शैक्षणिक-नियोजनम् अधिगम-सुधार-रणनीतयः च शिक्ष्यन्ते। अनेन विद्यार्थिनां विषयगतावबोधनम्, अधिगम-स्तरः तथा परीक्षा-प्रदर्शनं च सकारात्मकतया वर्धिष्यते इति सम्भाव्यते।
एषः प्रशिक्षण-कार्यक्रमः राष्ट्रीय-शिक्षा-नीति-२०२० इत्यस्य भावनानुसारं विद्यालय-शिक्षायां गुणवत्ता-संवर्धनस्य दिशि एकं महत्त्वपूर्णं पदं भविष्यति। प्रशिक्षिताः मास्टर-प्रशिक्षकाः राज्ये मूल्याङ्कन-सुधारस्य सुदृढ-शैक्षणिक-दलरूपेण कार्यं करिष्यन्ति तथा विद्यार्थिभ्यः उत्तम-अधिगम-अवसरान् प्रदास्यन्ति।
Hindusthan Samachar / Divya Ranjan