Enter your Email Address to subscribe to our newsletters
कोलम्बोनगरम्, ०२ जूनमासः (हि.स.)। अग्रिमायां एलपीएल-२०२६ संस्करणे क्रीडायां महत्त्वपूर्ण-परिवर्तनानि दृश्यन्ते। अस्मिन् सत्रे प्रथमवारं “इम्पैक्ट्-सब्स्टीट्यूट्” इति नियमः प्रवर्तिष्यते, तथा च प्रत्येक-दलाय प्लेइङ्ग-इलेवन मध्ये न्यूनतमम् एकः अण्डर-२३-वर्षीयः क्रीडकः अनिवार्यतया सम्मेलनीयः भविष्यति। विशेषतया इम्पैक्ट-सब-प्रयोगानन्तरमपि अण्डर-२३-क्रीडकस्य उपस्थिति: अनिवार्या एव भविष्यति।
सोमवासरे कोलम्बो-नगर्यां आयोजिते एलपीएल-२०२६ ड्राफ्ट्-समये एतेषां नूतन-नियमानां घोषणा कृता। एतेषां परिवर्तनानां कारणात् पञ्च फ्रेन्चाइजी-दलानि स्व-दल-चयनं अत्यन्तं रणनैतिक-रूपेण कर्तुं बाध्याः अभवन्।
अण्डर-२३-क्रीडकानां सीमित-उपलब्धतायाः कारणेन फ्रेंचाइजी-दलानां कृते दल-संयोजनं समस्यापूर्णम् अभवत्। केचन प्रतिभाशालिनः युवा-क्रीडकाः भारत-देशेन सह जुलाई-मासे प्रस्तावितायां अण्डर-१९-श्रृङ्खलायां व्यस्ताः भविष्यन्ति, अतः ते प्रतियोगितायाम् अनुपलब्धाः सन्ति।
ड्राफ्ट-समये इदमपि स्पष्टम् अभवत् यत् पथुम् निस्सङ्का तथा मथीशा पथिराणा इत्येतौ आहततां प्राप्य चिकित्साधीनौ स्तः। निस्सङ्का-विषये कार्यभार-नियन्त्रणस्य चर्चा अस्ति तथा सः भारत-श्रृङ्खलायाः पूर्वं पूर्णस्वास्थ्याय शल्यचिकित्सां अपि कर्तुं शक्नोति।
अस्मिन् सत्रे कतिपय-दलानां नाम-परिवर्तनम् अपि जातम्— जाफना → एससी जाफना किङ्ग्स, गॉल → गॉल ग्लैडिएटर्स, कँडी → कँडी रॉयल्स, कोलम्बो → कोलम्बो कैप्स; केवलं दाम्बुला सिक्सर्स यथावत् अस्ति।
ड्राफ्टे विजय-शङ्करः, एञ्जेलो मैथ्यूजः, दिनेश-चण्डिमालः, अविष्का फर्नाण्डो, चरिथ-असलङ्का तथा रहमानुल्लाह गुरबाज: इत्यादयः प्रमुख-क्रीडका: चर्चायाम् आगताः।
एतेन नूतन-नियमेन सह एलपीएल-२०२६ अधिक-प्रतिस्पर्धात्मकः भविष्यति तथा युवा-क्रीडकानां कृते महत्त्वपूर्णः अवसरः अपि उद्घाटितः भविष्यति।
Hindusthan Samachar / Divya Ranjan