नव दिल्ली, 02 जूनमासः (हि.स.)।भारतीयजनतापार्टीस्य राष्ट्रियाध्यक्षः नितिननवीनः काङ्ग्रेसपक्षम् लक्ष्यीकृत्य उक्तवान् यत् तेलङ्गानाराज्यस्य निर्धनजनैः यत् स्वप्नं दृष्ट्वा संघर्षः कृतः, तत् स्वप्नम् अद्यापि अपूर्णमेव अस्ति। अद्यावधि काङ्ग्रेसपक्षेण तेलङ्गानाराज्यस्य एटीएमरूपेण उपयोगः कृतः अस्ति।

मङ्गलवासरे तेलङ्गानास्थापनादिवसस्य अवसरॆ तेलङ्गानाभवने आयोजितकार्यक्रमं सम्बोधयन् नितिननवीनः उक्तवान् यत् अस्य राज्यस्य जनानां रक्तस्वेदसम्पादितेन धनेन काङ्ग्रेसस्य दरबारः अलङ्क्रियते, किन्तु आगामिकाले वयं भारतीयजनतापार्टीकार्यकर्तृभिः सह निश्चितरूपेण स्वस्य तेलङ्गानासंकल्पं पूर्णं करिष्यामः। भारतीयजनतापार्टीदलेन यः संघर्षः कर्तव्यः अस्ति सः अवश्यम् करिष्यति, परन्तु तेलङ्गानाजनान् समृद्धान् कर्तुं यः संकल्पः अस्ति, तस्य पूर्तिः अपि करिष्यते। तेलङ्गानस्य विकासं समृद्धरूपेण विकसितभावेन संयोजयितुं यः संकल्पः अस्ति, तस्यापि पूर्तिः भविष्यति।

सः उक्तवान् यत् प्रधानमन्त्री नरेन्द्रमोदिनः स्वप्नानुसारं २०४७ तमे वर्षे भारतं विकसितभारतं कर्तव्यम् अस्ति, तस्मात् तेलङ्गानाराज्यमपि समृद्धं सम्पूर्णरूपेण विकसितं कर्तुं संकल्पः पूर्णः कर्तव्यः। तेलङ्गानाराज्यस्य चत्वारः कोटिजनान् राज्यस्थापनादिवसे शुभकामनाः दत्त्वा सः उक्तवान् यत् यथारूपा शासनव्यवस्था राज्याय प्राप्तव्या आसीत्, तथा न प्राप्ता। भारतीयजनतापार्टी तेलङ्गानाराज्यं विकसितराज्यं करिष्यति।

सः अग्रे उक्तवान् यत् तेलङ्गानाराज्यस्य निर्माणे लक्षशः जनानां यः संघर्षः, बलिदानं च आसीत्, तस्मिन् भारतीयजनतापार्टी अत्यन्तमहत्त्वपूर्णां तथा निरन्तरां भूमिकां निभावितवती। १९९७ तमे वर्षे काकीनाडानगरे आयोजिते भारतीयजनतापार्टीस्य राष्ट्रियाधिवेशने पृथकराज्यरूपेण तेलङ्गानासमर्थनस्य ऐतिहासिकः प्रस्तावः पारितः आसीत्। एषा केवलं राजनैतिकघोषणा नासीत्, अपितु दलस्य संकल्पः आसीत्। तेलङ्गानाजनानां विकासाय तथा तेलङ्गानस्य समृद्धिकरणदिशि अस्माकं संकल्पः आसीत्। तेलङ्गानस्य संस्कृति तथा तस्य विरासतां अग्रे नेतुं अस्माकं संकल्पः आसीत्। तेलङ्गानाराज्यनिर्माणे सफलता प्राप्ता अस्ति, किन्तु आगामिदिनेषु तेलङ्गानस्य विकासाय अपि भारतीयजनतापार्टी संघर्षं निरन्तरं करिष्यति।

---------------

Hindusthan Samachar / Dheeraj Maithani