Enter your Email Address to subscribe to our newsletters
प्रयागराजः, 02 जूनमासः (हि.स.)।
सङ्गठनं हिन्दूसंस्कृतेः वैश्विकस्तरे संयोजनं तथा तस्याः मानवीयमूल्यानां विश्वस्य सर्वेषु कोणेषु प्रसारणस्य कार्यं करोति। उक्तानि वचनानि प्रयागराजस्य सोरांवस्थिते महाविद्यालयपरिसरे विश्वहिन्दूपरिषदः परिषद्शिक्षावर्गस्य द्वितीयदिने कार्यकर्तॄन् सम्बोधयन् क्षेत्रीयसङ्गठनमन्त्री गजेन्द्रः उक्तवान्।
सः अवदत् यत् हिन्दूसंस्कृतेः मूलमन्त्रः वसुधैवकुटुम्बकम् अस्ति यस्य माध्यमेन विश्वबन्धुत्वस्य शान्तेः सहयोगस्य च सन्देशः सम्पूर्णविश्वस्मिन् प्रसारितः क्रियते। सः अवदत् यत् हिन्दूधर्मः केवलं एकः सम्प्रदायः नास्ति अपितु जीवनपद्धतिः अस्ति यस्मिन् प्रकृतिः पर्यावरणसंरक्षणं तथा सन्तुलितजीवनशैली समाविष्टा अस्ति।
सङ्गठनं भारतीयप्रवासिनां माध्यमेन आविश्वं भारतीयसंस्कृतेः उत्सवानां योगस्य आयुर्वेदस्य च प्रचारप्रसारार्थं विविधकार्यक्रमाणां सम्मेलनानां च आयोजनं करोति। एतेषां आयोजनानां माध्यमेन विभिन्नमतपन्थसम्प्रदायान् एकस्मिन् मञ्चे आनाय समसामयिकवैश्विकविषयेषु चर्चा क्रियते।
गजेन्द्रः अवदत् यत् अद्य भारतं विश्वस्य सर्वाधिकयुवदेशः अस्ति। यदि युवाशक्तिः स्वस्य ऊर्जायाः क्षमतायाः च सम्यगुपयोगं कुर्यात् तर्हि भारतं पुनः गौरवशालिस्थानं प्राप्तुं विश्वस्य कापि शक्तिः निरोद्धुं न शक्नोति।
सः अवदत् यत् कार्यं कुर्वद्भ्यः एव समाजे सम्मानः श्रेयः च प्राप्यते अतः सर्वैः कार्यकर्तृभिः समाजहिताय सक्रियभूमिका निर्वाह्या। सः अवदत् यत् भाषा क्षेत्र जाति उपजातीनां विविधतानाम् अस्तित्वे अपि हिन्दूसमाजः वैदिककालात् एकः आसीत् तथा अग्रे अपि एकः एव भविष्यति। समाजे स्वस्य गौरवशालिसंस्कृतेः संस्काराणां च जीवन्ततां धारयितुं निरन्तरप्रयत्नः आवश्यकः अस्ति। सः कार्यकर्तॄन् हिन्दूधर्मस्य संस्कृतेः च प्रचारप्रसारार्थं संकल्पिताः भवितुम् आहूतवान्।
अस्मिन् अवसरे क्षेत्रीयसत्सङ्गप्रमुखः दिवाकरनाथत्रिपाठी अवदत् यत् हिन्दूसमाजस्य मानबिन्दूनां गोमातुः धार्मिकप्रतीकानां धरोहराणां आस्थाकेन्द्राणां च संरक्षणार्थं समये समये समाजस्य जागरणम् आवश्यकम् अस्ति। सः अवदत् यत् आवश्यकता उत्पन्ना चेत् प्रशासनस्य सर्वकारस्य च समक्षं उचितमागण्यः स्थापनीयाः तथा समाजहितसम्बद्धेषु विषयेषु आन्दोलनं कर्तुं अपि पृष्ठतः न गन्तव्यम्।
कार्यक्रमे प्रान्तसङ्गठनमन्त्री नितिनः प्रान्तमन्त्री डॉ राजनारायणः प्रान्तोपाध्यक्षः सुरेशअग्रवालः सहमन्त्री प्रभुतिकान्तः नरसिंहत्रिपाठी मुख्यशिक्षकः बृजभूषणमहेशसिंहः प्रयागमहानगरदक्षिणाध्यक्षः संजयगुप्तः प्रान्तसहसंयोजिका शुभाङ्गीसिंहः डॉ दीपायादवः सहिताः बहुसंख्यकाः पदाधिकारिणः कार्यकर्तारः च उपस्थिताः आसन्।
---------------