Enter your Email Address to subscribe to our newsletters
हरिद्वारम्, 02 जूनमासः (हि.स.)।
राष्ट्रीयस्वयंसेवकसंघस्य पक्षतः आयोजितस्य संघशिक्षावर्गस्य (सामान्य) अन्तर्गतं मंगलवासरे सरस्वती विद्या मन्दिर, सेक्टर-२, रानीपुर इत्यत्र सेवाप्रदर्शन्याः उद्घाटनं कृतम्। प्रदर्शन्यां शिक्षा, स्वास्थ्य, ग्रामविकास, पर्यावरणसंरक्षण तथा आपदाराहतसम्बद्धाः सेवाप्रकल्पाः प्रदर्शिताः।
सेवाप्रदर्शन्याः उद्घाटनं क्षेत्रशारीरिकशिक्षणप्रमुखः नरेश कुमार विकल अकरोत्। तेन उक्तं यत् सेवाकार्याणि समाजस्य अन्तिमव्यक्तेः पर्यन्तं प्रापणस्य सशक्तमाध्यमानि सन्ति तथा संघस्य सेवाकार्यं समाजे आत्मीयता, समरसता तथा आत्मविश्वासस्य वातावरणं निर्माति।
२८ मईतः १३ जूनपर्यन्तं सञ्चाल्यमाने अस्मिन् वर्गे राज्यस्य सर्वेभ्यः १३ जनपदेभ्यः कक्षा ९ तः १२ पर्यन्तं ३०४ शिक्षार्थिनः प्रशिक्षणं प्राप्नुवन्ति। शिक्षकानां, अधिकारीणां, व्यवस्थापकानां तथा कार्यकर्तॄणां सहितं वर्गे ४५० अधिकाः स्वयंसेवकाः सहभागित्वं कुर्वन्ति। वर्गे विद्यार्थिनां सर्वाङ्गीणविकासस्य, राष्ट्रभक्तेः, अनुशासनस्य, नेतृत्वक्षमतायाः, संगठनकौशलस्य तथा सेवाभावनायाः संस्काराणां प्रशिक्षणं प्रदीयते।
प्रदर्शन्यां उत्तराखण्डस्य विभिन्नक्षेत्रेषु सञ्चालितानां सेवाप्रकल्पानां, शिक्षा, स्वास्थ्य, ग्रामविकास, पर्यावरणसंरक्षण, स्वावलम्बन, सामाजिकसमरसता तथा आपदाराहतसम्बद्धानां कार्याणां आकर्षकरूपेण प्रेरणादायकरूपेण च प्रदर्शनं कृतम्। सहैव संघस्य शताब्दीवर्षस्य उपलक्ष्ये देशव्यापी सञ्चाल्यमानानां विविधकार्यक्रमाणां, जनसम्पर्कअभियानानां तथा सामाजिकजागरणप्रयासानां विषये अपि सूचना प्रदत्ता। प्रदर्शन्याः उद्देश्यं शिक्षार्थिनः सेवाकार्याणां व्यापकतया, तेषां सामाजिकमहत्त्वेन तथा राष्ट्रनिर्माणे तेषां भूमिकया परिचितान् कर्तुम् अस्ति।
अस्मिन् अवसरे वर्गपालकः सुनीलः, वर्गकार्यवाहः रमेश, सर्वाधिकारी प्रवीण, विभागप्रचारकः हरिद्वार राकेश, मुख्यशिक्षकः सत्येन्द्र, वर्गबौद्धिकप्रमुखः अब्बल सिंह तोपाल, विभागसेवाप्रमुखः बंसीजी, मनोज सैनी, सहव्यवस्थाप्रमुखः वीर प्रताप सहिताः वर्गस्य सर्वे अधिकारिणः, शिक्षकाः शिक्षार्थिनश्च उपस्थिताः आसन्।
---------------
Hindusthan Samachar / Dheeraj Maithani