Enter your Email Address to subscribe to our newsletters
हरिद्वारनगरम्, ०२ जूनमासः (हि.स.)। उत्तराखण्डस्य पूर्व-मुख्यमन्त्री तथा पूर्व-केन्द्रीय-मन्त्री डॉ.रमेश-पोखरियाल-निशङ्कः, राज्यमन्त्री ओमप्रकाश-जमदग्निः च सोमवासरे सप्तऋषि-क्षेत्रे डम्पर-वाहनेन बस-यानस्य टक्कर-कारणेन जातस्य दुर्घटनास्थलस्य निरीक्षणं कृत्वा क्षतेः परिमाणं परीक्षितवन्तौ। ताभ्यां सम्बन्धित-अधिकारिभ्यः घटनाविषये सूचना प्राप्ता तथा उद्धार-यातायात-व्यवस्थयोः समीक्षा कृता।
ताभ्यां सम्बन्धित-अधिकारिभ्यः आवश्यकाः निर्देशाः प्रदत्ताः। सोमवासरे जातायां दुर्घटनायाम् एका महिला मृतवती, दशाधिकाः जनाः च आहताः अभवन्। पूर्व-मुख्यमन्त्री डॉ. निशङ्कः तथा राज्यमन्त्री ओमप्रकाश-जमदग्निः पञ्जाबी-ढाबा-इत्यस्य अपि निरीक्षणं कृतवन्तौ। बस-यानस्य दुर्घटनान्तरं डम्पर-वाहनं पञ्जाबी-ढाबामध्ये प्रविष्टम् आसीत्।
राज्यमन्त्री ओमप्रकाश-जमदग्निः अधिकारिभ्यः जनस्य सुरक्षां यातायात-व्यवस्थां च अधिकं सुदृढां कर्तुं निर्देशान् दत्तवान् तथा आहतानां शीघ्र-स्वास्थ्यलाभस्य कामनाम् अकरोत्। अस्मिन् अवसरे नगर-क्षेत्राधिकारी, यातायात-आरक्षक-अधिकारी, सप्तऋषि-चौकी-प्रभारी, परिवहन-विभागस्य अधिकारी, तहसीलदारः तथा अन्ये सम्बन्धित-अधिकारिणः उपस्थिताः आसन्।
Hindusthan Samachar / Divya Ranjan