Enter your Email Address to subscribe to our newsletters
नाहनम्, 02 जूनमासः (हि.स.)।
पांवटा साहिबस्य जिला परिषद् वार्ड संख्या-७ भगानीतः पञ्चविंशतिवर्षीया निर्दलीया अभ्यर्थिनी शिवानी इयं तादृशीं विजयम् अलभत या क्षेत्रीयराजनीतौ नूतनां चर्चां समुत्पादितवती। भाजपा तथा कांग्रेस समर्थिताभ्यर्थिन्यौ पराजित्य शिवानी ३५५७ मतान्तरस्य महत्या विजयेन एतत् सूचितवती यत् स्थानीयविषयाणां सामाजिकस्वीकार्यातायाश्च आधारेण अपि राजनीतिकभूमिः निर्मातुं शक्यते।
जिला सिरमौरस्य विकासखण्डे पांवटा साहिबस्य खोदरी माजरी ग्रामनिवासिनी शिवानी जिला परिषद् निर्वाचनस्य अन्तर्गतं ९२०५ मतानि प्राप्तवती। तस्याः प्रतिस्पर्धिन्यां भाजपा समर्थितायां दविंदर कौर इत्यस्यां ५६४८ मतानि प्राप्तानि। कांग्रेस समर्थिता खुशप्रीत कौरः २००५ मतैः तृतीयस्थानम् अलभत, निर्दलीया अभ्यर्थिनी जूलिया १४०९ तथा गुरमीत कौर ६१९ मतानि प्राप्तवत्यौ। एवं शिवानी स्वस्य समीपतमप्रतिद्वन्द्विन्याः उपरि ३६९४ मतानां निर्णायकां वृद्धिं स्थापयित्वा विजयम् अलभत।
बीएससी शिक्षिता शिवानी लेखनक्षेत्रे अपि स्वकीयां विशिष्टां परिचितिम् अधिगतवती। सामाजिकजनसरोकारसम्बद्धेषु विषयेषु निरन्तरं लेखनकारणात् क्षेत्रे तस्याः परिचयः जागरूकयुवामुखरूपेण अभवत्। एतदेव कारणम् आसीत् यत् निर्वाचनक्षेत्रे प्रविशन्त्याः तस्याः युवानां सामान्यजनानां च व्यापकः समर्थनः प्राप्तः।
शिवानी कृषकपृष्ठभूमिसम्बद्धपरिवारस्य सदस्यास्ति। तस्याः माता श्यामा देवी तथा पिता रघुवीर सिंह कृषकौ स्तः। तस्याः पितामहः केशो राम १९८० दशकस्य काले पंचायतप्रधानः आसीत्। यद्यपि परिवारस्य सक्रियराजनीतिकपरम्परा नासीत्, तथापि सामाजिकस्तरे परिवारस्य परिचयः जनसम्पर्कश्च सुदृढौ आस्ताम्।
मेहरा राजपूत समुदायसम्बद्धा शिवानी मन्यते यत् तस्याः समुदायस्य दीर्घकालपर्यन्तं केवलं राजनीतिकोपयोगः कृतः, किन्तु अपेक्षितं प्रतिनिधित्वं विकासश्च न प्राप्तः। एतस्याः चिन्तायाः सहैव सा राजनीतिक्षेत्रे प्रविष्टवती तथा निर्वाचनं केवलं प्रतिस्पर्धारूपेण न, अपितु क्षेत्रस्य समुदायस्य च स्वरम् उद्घोषयितुं माध्यमरूपेण स्वीकृतवती।
विजयानन्तरं शिवानी स्पष्टतया उक्तवती यत् अधुना सा कस्यापि राजनीतिकदले सम्मिलितुं निर्णयं न कृतवती। तस्याः कथनम् अस्ति यत् यस्मात् दलात् अथवा संगठनात् क्षेत्रविकासस्य विश्वासः प्राप्तः भविष्यति, तेन सह अग्रे गन्तुं विचारं करिष्यति। सा एतदपि स्पष्टं कृतवती यत् भविष्ये राजनीतिः एव तस्याः करियरं भविष्यति तथा युवान् सह संयोज्य पांवटा साहिब विधानसभा क्षेत्रस्य विकासाय कार्यं करिष्यति।
---------------
Hindusthan Samachar / Dheeraj Maithani