नव दिल्ली, 20 जूनमासः (हि.स.)।

केन्द्रीयसामाजिकन्यायाधिकारितामन्त्रालयं रविवासरे भारतमण्डपमण्डपे अन्ता राष्ट्रिययोगदिवस २०२६ इत्यस्य अवसरे स्वस्थवृद्धावस्थायै योगः इति कार्यक्रमस्य आयोजनं करिष्यति। अस्मिन् कार्यक्रमे प्रायः १५०० वरिष्ठनागरिकाः सहभागं करिष्यन्ति।

मन्त्रालयस्य अनुसारेण एषः कार्यक्रमः श्वः प्रातः ११ वादनतः भारतमण्डपमण्डपे द्वादशे अन्तर्राष्ट्रीययोगदिवसे राष्ट्रव्यापिसमारोहाणाम् अन्तर्गतं आयोज्यते। स्वस्थवृद्धावस्थायै योगः इति विषयकस्य अस्य कार्यक्रमस्य उद्देश्यं वरिष्ठनागरिकाणां मध्ये सक्रियवृद्धावस्थायाः स्वस्थवृद्धावस्थायाः कल्याणस्य स्वावलम्बनस्य सामाजिकसहभागितायाश्च संवर्धनं भविष्यति।

अस्मिन् कार्यक्रमे वरिष्ठनागरिकैः सामूहिकयोगाभ्यासः सचेतनजीवनम् आन्तरिकसौहार्दम् भावनात्मककल्याणम् स्वस्थवृद्धावस्था च इत्येतेषु विषयेषु केन्द्रिताः आध्यात्मिकप्रवचनानि च समाविष्टानि भविष्यन्ति।

उल्लेखनीयं यत् देशव्यापि २०२६ तमवर्षस्य अन्ता राष्ट्रिययोगदिवसोत्सवस्य आयोजनार्थं सर्वाः सज्जताः सम्पन्नाः सन्ति। एतादृशे सति एतत् मन्त्रालयं देशस्य सर्वेभ्यः वरिष्ठनागरिकेभ्यः स्वस्थतरस्य अधिकसमावेशिनः समाजस्य निर्माणदिशि अस्मिन् सामूहिकान्दोलने सहभागितां कर्तुम् आह्वानं करोति।

------------

Hindusthan Samachar / Dheeraj Maithani