भोपालनगरम्, २० जूनमासः (हि.स.)। केन्द्रीय-आवासन-नगरीयकार्य-मन्त्री मनोहरलालः अद्य मध्यप्रदेशस्य प्रवासे भविष्यति। सः इन्दौरनगरे विकासस्य उपहारद्वयं प्रदास्यति। अस्मिन् अवसरे प्रदेशस्य मुख्यमन्त्री डॉ.मोहनयादवः अपि तेन सह उपस्थितः भविष्यति।

जनसम्पर्काधिकारी अरुणशर्मा अवदत् यत् इन्दौरजनपदस्य सांवेरक्षेत्रे प्रधानमन्त्री-आवास-योजनान्तर्गतं ४२ सहस्राधिकेभ्यः पात्रहितग्राहिभ्यः २५०० कोटिरूप्यकाधिकमूल्यस्य आवास-निर्माणस्वीकृतिपत्राणि प्रदास्यन्ते। तथा च ३८ सहस्राधिकानां परिवाराणां नूतनेषु पक्वगृहेषु गृहप्रवेशः कारयिष्यते।

तदतिरिक्तं केन्द्रीयमन्त्री मनोहरलालः तथा मुख्यमन्त्री डॉ.मोहनयादवः २९३५ कोटिरूप्यकव्ययेन निर्मीयमाणायाः ४८.१० किलोमीटरदीर्घायाः महत्त्वाकाङ्क्षिण्याः इन्दौर-उज्जयिनी-ग्रीनफील्ड-चतुर्मार्ग-परियोजनायाः भूमिपूजनमपि करिष्यतः।

Hindusthan Samachar / Divya Ranjan