Enter your Email Address to subscribe to our newsletters
सूरतनगरम्, २० जूनमासः (हि.स.)। गुजरातराज्यस्य वित्तमन्त्री सूरत-जनपदप्रभारी च कनुभाई-देसाई शनिवासरे अवदत् यत् प्रधानमन्त्रिणः नरेन्द्रमोदिनः नेतृत्वयुक्तया केन्द्रसर्वकारेण गत-द्वादश-वर्षेषु विकासस्य, सुशासनस्य जनकल्याणस्य च क्षेत्रेषु उल्लेखनीयाः उपलब्धयः प्राप्ताः।
पत्रकार-सम्मेलने सम्बोधयन् कनुभाई-देसाई अवदत् यत् वर्षे २०१४ आरब्धा विकासयात्रा जनसमर्थनं निरन्तरं प्राप्तवती। वर्षे २०२४ तृतीयवारम् अपि मोदी-सर्वकारस्य गठनं जनविश्वासस्य प्रत्यक्षं प्रमाणम् इति।
तेन उक्तं यत् प्रधानमन्त्री-किसान-सम्मान-निधिः, प्रत्यक्ष-लाभ-अन्तरण-योजना तथा विविधाभिः जनकल्याण-योजनाभिः कोटिशः जनानां प्रत्यक्षलाभः सुनिश्चितः। डिजिटल-प्रशासनस्य माध्यमेन मिथ्या-लाभार्थिनः निष्कासिताः, येन राजकोषस्य महान् अवशेष: अभवत् तथा कोटिशः जनाः निर्धनतारेखातः उपरि नीताः।
सः अवदत् यत् गुजरातराज्यं रोजगार-सृजनस्य क्षेत्रे देशस्य अग्रणी-राज्यम् अस्ति। साणन्दे निर्मीयमाणः सेमिकण्डक्टर-निर्माणी, गिफ्ट-सिटी-विकासः तथा सूरतस्य वस्त्रोद्योगः हीरकोद्योगश्च युवभ्यः विपुलान् रोजगारावकाशान् सृजितः। तेन उक्तं यत् गुजराते बेरोजगारी-दरः देशे न्यूनतमः अस्ति।
तेन नूतना-शिक्षा-नीतेः, महिला-सशक्तीकरणस्य, ‘लखपति-दीदी’-योजनायाः, महिला-आरक्षण-विधेयकस्य तथा आन्तरिक-सुरक्षाक्षेत्रे केन्द्रसर्वकारस्य प्रयत्नानामपि उल्लेखः कृतः। तेन उक्तं यत् भारतस्य विदेशनीतिः अधुना अधिका सुदृढा जाता, येन वैश्विकस्तरे देशस्य सम्मानं वर्धितं तथा विदेशीय-निवेशोऽपि उल्लेखनीयरूपेण अभिवृद्धिं गतः। अपि च, प्रधानमन्त्री नरेन्द्रमोदी भारतस्य लोकतान्त्रिक-इतिहासे दीर्घतमकालं निर्वाचितस्य प्रधानमन्त्रित्वस्य गौरवं प्राप्तवान्। एषा उपलब्धिः जनानाम् अटूटविश्वासस्य विकसित-भारत-सङ्कल्पस्य च द्योतिका इति तेन उक्तम्।
अस्य कार्यक्रमस्य अध्यक्षतां वित्तमन्त्री सूरत-जनपदप्रभारी च कनुभाई-देसाई अवहत्। कार्यक्रमे भाजपा-नगराध्यक्षः परेश-पटेलः, गुजरात-विधानसभायाः उपाध्यक्षः पूर्णेश-मोदी, सांसदः मुकेश-दलालः, महापौरा मायाबेन-मावाणी, उपमहापौरः सुधाकर-चौधरी, स्थायी-समितेः अध्यक्षः राजन-पटेलः, विधायकाः कान्ति-बलरः, प्रवीण-घोघारी, हेमाली-बोगावाला तथा भाजपायाः पदाधिकारीणः, बहवः सञ्चार-माध्यम-प्रतिनिधयश्च उपस्थिताः आसन्।
Hindusthan Samachar / Divya Ranjan