Enter your Email Address to subscribe to our newsletters
पश्चिम बर्दवानम्, 20 जूनमासः (हि.स.)।पश्चिमबर्दवानतृणमूलजनपदाध्यक्षः नरेन्द्रनाथचक्रवर्ती स्वपदात् त्यागपत्रं प्रदत्तवान्। तेन स्वस्य त्यागपत्रं तृणमूलदलस्य प्रदेशाध्यक्षायै चन्द्रिमाभट्टाचार्यायै प्रेषितम्। त्यागपत्रप्रदानात् पूर्वं तेन विद्रोहिगुटस्य नेतारं ऋतब्रतबन्द्योपाध्यायं मिलितवान्। अस्य घटनाक्रमस्य अनन्तरं जनपदस्य राजनीतिकक्रियाकलापाः तीव्रतां प्राप्तवन्तः तथा च सङ्गठनस्य अन्तः नूतनचर्चाणां क्रमः प्रारब्धः।
प्राप्तसूचनानुसारं शुक्रवासरस्य रात्रौ नरेन्द्रनाथचक्रवर्ती अभिजीतघटक तथा डेविड इत्येताभ्यां सह विरोधीदलस्य नेतारं ऋतब्रतबन्द्योपाध्यायं मिलितवान्। तदनन्तरं पत्रकारैः सह वार्तालापं कुर्वन् नरेन्द्रनाथचक्रवर्ती उक्तवान् यत् स्वास्थ्यसमस्याणां कारणात् तेन तृणमूलदलस्य जनपदाध्यक्षपदात् त्यागपत्रं प्रदत्तम्। नरेन्द्रनाथचक्रवर्तिने पुनः पश्चिमबर्दवानजनपदाध्यक्षपदस्य दायित्वं समर्पितम् आसीत्। तथापि तस्य नियुक्तेः अनन्तरं दलस्य अन्तः विविधस्तरेषु असन्तोषस्य स्वराः अपि प्रकटिताः आसन् तथा च केचन नेतारः सामाजिकमाध्यमेन स्वनाराज्यं प्रकटितवन्तः।
तस्य एषः निर्णयः मुख्यतया शारीरिकास्वस्थतायाः कारणात् स्वीकृतः। तेन उक्तं यत् वर्तमानपरिस्थितिषु स्वास्थ्यं तस्मै पूर्ववत् सक्रियराजनीतिकदायित्वानि निर्वहितुं अनुमतिं न ददाति।
एतेन सह तेन जनपदस्य वर्तमानराजनीतिकस्थितेः विषये अपि चिन्ता व्यक्ता। तेन उक्तं यत् जनपदे ४७६ जनानां नाम्ना वारण्टाः निर्गताः, अनेकानां जनानां गिरफ्तारी अभवत् तथा च केचन जनाः स्वगृहं त्यक्त्वा गन्तुं बाधिताः। तादृशे समये कार्यकर्तृभ्यः नेतृभ्यश्च अपेक्षितसहयोगः न प्राप्तः।
तेन आरोपः कृतः यत् कठिनकाले अत्यल्पाः जनाः एव सह स्थितवन्तः, यदा पुनः अधुना बहवः जनाः राजनीतिकसमाधानस्य अन्वेषणार्थं अन्यत्र सक्रियाः भवन्ति। तस्य मते एतादृश्यां परिस्थितौ कार्यकर्तृभ्यः उत्तरं दातुं तथा सङ्गठनं व्यवस्थितरूपेण सञ्चालयितुं च अत्यन्तं कठिनम् अभवत्।
नरेन्द्रनाथचक्रवर्ती एतदपि उक्तवान् यत् जनपदाध्यक्षपदस्य विषये तस्मै बह्वीः सूचनाः सामाजिकमाध्यमेन प्राप्ताः। तेन उक्तं यत् दीर्घकालात् तस्य वरिष्ठनेता ऋतब्रतबन्द्योपाध्यायेन सह सम्पर्कः अविच्छिन्नरूपेण विद्यमानः अस्ति तथा च श्रमिकसङ्घस्तरे अद्यापि एकता विद्यमाना अस्ति। तेन उक्तं यत् आगामिकाले अपि सर्वे मिलित्वा कार्यं करिष्यन्ति। तेन उक्तं यत् सः शतप्रतिशतरूपेण ऋतब्रतबन्द्योपाध्यायस्य पक्षे स्थितः अस्ति।
---------------