तूतीकोरिनम्, 20 जूनमासः (हि.स.)। ओमानदेशे नौकायाने कार्यकाले मृतस्य तूतीकोरिननिवासिनः नाविकस्य निशान्तस्य परिवारस्य समीपं शनिवासरे तमिलनाडुराज्यस्य मत्स्यपालनमन्त्री श्रीनाथ आगत्य तान् सान्त्वितवान्। मन्त्रिणा शोकसन्तप्तपरिवारं आश्वासितं यत् राज्यसर्वकारः मृतस्य शवं शीघ्रं भारतदेशम् आनेतुं सर्वसम्भवान् प्रयत्नान् करोति तथा परिवारस्य मागधानां विषये अपि गम्भीरतया विचारः क्रियते।

तूतीकोरिननिवासी नाविकः निशान्तः जूनमासस्य एकादशदिने ओमानदेशे नौकायाने कार्यकाले स्वास्थ्यावनतेः कारणेन दिवंगतः अभवत्। मृत्योः अनन्तरं स्थानीयस्तरे शवपरीक्षणस्य प्रक्रिया सम्पन्ना जाता तथा सम्प्रति तस्य शवम् ओमानदेशस्य राजधानी मस्कटनगरे स्थापितम् अस्ति। घटनायाः अनन्तरं परिवारः निरन्तरं शवस्य भारतदेशम् आनयनस्य तथा प्रकरणस्य निष्पक्षजांचायाः मागं करोति।

निशान्तस्य पत्नी सारोबिन तथा अन्ये परिजनाः आरोपं कृतवन्तः यत् अस्मिन् प्रकरणे प्रमादस्य आशङ्का वर्तते तथा तस्य मृत्योः परिस्थितीनां विस्तृता जांचा कार्या। परिवारेण मागः कृतः यत् सम्बद्धनौकायानसंस्थायाः भूमिकायाः जांचा भवेत् तथा यदि प्रमादः सिद्धः भवति तर्हि संस्थया एककोटिरूप्यकाणां क्षतिपूर्तिः प्रदेया। एतदतिरिक्तं तैः केन्द्रसर्वकारात् राज्यसर्वकारात् च हस्तक्षेपं कृत्वा शवस्य यथाशीघ्रं स्वगृहनगरम् आनयनस्य मागः कृतः।

परिजनैः एतदपि प्रार्थितं यत् परिवारस्य एकस्मै सदस्याय तमिलनाडुसर्वकारे नियोजनम् प्रदीयताम्, येन परिवाराय आर्थिकसहायता भवेत्। निशान्तः स्वपरिवारस्य मुख्योपार्जकः आसीत् तथा तस्य निधनानन्तरं परिवारः गम्भीरार्थिकमानसिकसंकटेन पीड्यते।

अस्यैव क्रमस्य अन्तर्गतं शनिवासरे मन्त्री श्रीनाथ निशान्तस्य गृहम् आगत्य तस्य पत्नीं सारोबिनम् अन्यान् परिजनान् च मिलितवान्। सः परिवारस्य प्रति संवेदनां व्यक्तीकृत्य उक्तवान् यत् तमिलनाडुसर्वकारः अस्मिन् कठिनकाले तेषां सह स्थितः अस्ति तथा आवश्यकसहायतां प्रदास्यति।

भेटानन्तरं पत्रकारैः सह वार्तालापे मन्त्री श्रीनाथ उक्तवान् यत् राज्यसर्वकारस्य सम्बद्धविभागानाम् अधिकारिभ्यः आवश्यकनिर्देशाः प्रदत्ताः सन्ति तथा भारतीयदूतावासस्य माध्यमेन अपि निरन्तरः सम्पर्कः स्थाप्यते। तेन उक्तं यत् निशान्तस्य शवं आगामीद्विदिनाभ्यन्तरे तूतीकोरिननगरम् आनेतुं सर्वाः आवश्यकप्रक्रियाः शीघ्रतया सम्पाद्यन्ते।

मन्त्रिणा उक्तं यत् दूतावासाधिकारिभिः सम्बद्धसंस्थाभिः च सह संवादं कृत्वा परिवाराय उचितक्षतिपूर्तिः प्राप्तुं प्रयत्नाः क्रियन्ते। सहैव मृत्योः कारणानां परिस्थितीनां च विषये परिवारस्य चिन्ताः अपि सम्बद्धस्तरे प्रस्तूयन्ते।

तेन एतदपि घोषितं यत् तमिलनाडुसर्वकारः निशान्तस्य पत्नी सारोबिनायै तस्याः शैक्षणिकयोग्यतानुसारम् उचितं सर्वकारीयनियोजनं प्रदातुं कार्यवाहीं करिष्यति। एतदतिरिक्तं तयोः द्वयोः बालकयोः शिक्षां भविष्यकालीनावश्यकताश्च दृष्ट्वा सर्वकारस्य मत्स्यपालनविभागस्य च पक्षतः सर्वसम्भवा सहायता प्रदास्यते।

मन्त्री श्रीनाथ उक्तवान् यत् राज्यसर्वकारस्य उद्देश्यं केवलं तात्कालिकराहतिप्रदानं नास्ति, अपितु परिवारस्य दीर्घकालिकपुनर्वासस्य बालकानां भविष्यस्य च सुरक्षाकरणम् अपि अस्ति। तेन विश्वासः प्रदत्तः यत् सर्वकारः परिवारस्य सर्वासां वैधानिकमागधानां विषये संवेदनशीलतया विचारं करिष्यति तथा तेभ्यः सर्वसम्भवं सहयोगं प्रदास्यति।-----------

Hindusthan Samachar / Dheeraj Maithani