योगो न केवलं शारीरिक स्वास्थ्याय उत्तमम्, अपितु दूरीकर्तुं साधनम् : डिप्टी कमांडेंट

वाराणसी, 20 जूनमासः (हि.स.)। उत्तरप्रदेशस्य वाराणसीजनपदे नमोघाटे सञ्चाल्यमाने सप्ताहव्यापियोगकार्यक्रमे शनिवासरे पञ्चनवतितमकेन्द्रीयरक्षितपुलिसबलस्य जवानैः अधिकारिभिश्च सह विद्यालयीयबालकाः अपि महता उत्साहेन सहभागित्वं कृतवन्तः। गोवर्धनपूजासमित्याः पक्षतः आयोजिते सप्ताहव्यापियोगकार्यक्रमे योगाचार्यः अभय स्वाभिमानी सरलप्रभावीरीत्या सर्वेभ्यः योगस्य विविधासनानाम् अभ्यासं कारितवान् तथा तेषां महत्त्वं सम्यक् विवृतवान्।

प्रातःकालीनसत्रे योगप्रशिक्षकेण भारतसर्वकारस्य आयुषमन्त्रालयस्य कॉमन योग प्रोटोकॉल इत्यस्य अन्तर्गतं अभ्यासः कारितः। जवानैः बालकैः सह महिलाभिः अपि कपालभाति, अनुलोमविलोम, भ्रामरीप्राणायामानां तथा ताडासन, वृक्षासन, वज्रासन, शवासनादीनां विविधयोगासनानां अभ्यासः कृतः।

अस्मिन् अवसरे केन्द्रीयरक्षितपुलिसबलस्य उपसेनानायकः कृष्णकान्त यादव उक्तवान् यत् केन्द्रीयरक्षितपुलिसबलस्य जवानाः अत्यन्तकठिनासु तनावपूर्णासु च परिस्थितिषु देशसेवां कुर्वन्ति। योगः जवानानां स्वास्थ्यं सुदृढं धारयति, मानसिकतनावं च निवार्य सकारात्मकशक्तेः सञ्चारं करोति।

गोवर्धनपूजासमित्याः अध्यक्षः विनोद यादव गप्पू अवदत् यत् अस्य विशेषकार्यक्रमस्य मुख्योद्देश्यः जवानानां, अध्यापकानां च शारीरिकमानसिकस्वास्थ्यस्य सुदृढीकरणं तथा सामान्यजनानां योगस्य प्रति जागरूकतायाः संवर्धनम् आसीत्। अद्यतनयोगाभ्यासे पारस यादव पप्पू, लालचन्द, रमेश गुप्त, राम, समुझ, गुप्त, सन्तलाल, पप्पू मौर्य, मुन्ना चौरसिया, कमलेश शर्मा, मनीष सिंह, नन्दनी यादव, निशा, सुमन लता, कञ्चन, श्रेया, दीपमाला तथा पल्लवी महत्त्वपूर्णां भूमिकां निर्वहितवन्तः।

समितेः पदाधिकारिणः जवानान् अधिकारिणश्च केसरियवर्णीयाङ्गवस्त्रं परिधाप्य सम्मानितवन्तः। अपरतः योगाभ्यासे सहभागीभूतेभ्यः जनेभ्यः केन्द्रीयरक्षितपुलिसबलेन टी शर्ट इति वसनं वितरितम्।-------------

हिन्दुस्थान समाचार / Dheeraj Maithani