गुवाहाटीनगरम्, जूनमासस्य २१ दिनाङ्कः (हि.स.)। यः असमराज्यः पूर्वं दुर्गमः असुरक्षितश्च इति मन्यते स्म, सः अधुना देशीय-विदेशीय-पर्यटकाणां निवेशकानां च प्रमुखम् आकर्षणकेन्द्रं जातम्। भारतीयजनतापक्षेण उक्तं यत् प्रधानमन्त्रिण: नरेन्द्रमोदीन: तथा मुख्यमन्त्री डॉ.हिमन्तबिस्वसरमा इत्येतयोः नेतृत्वे राज्ये शान्तेः, विकासस्य, पर्यटनस्य च क्षेत्रेषु अभूतपूर्वं परिवर्तनम् अभवत्।

प्रदेशभाजपाया: मुख्यालये अटलबिहारीवाजपेयी-भवने आयोजितायां पत्रकारसम्मेलन-गोष्ठ्यां पक्षस्य प्रवक्ता प्राञ्जलकलिता अवदत् यत्, यः असमप्रदेश: बहुवर्षपर्यन्तम् उग्रवादेन अस्थिरतया च प्रभावितः आसीत्, सः अधुना स्थायि-शान्तेः दिशि अग्रे सरति। तेन उक्तं यत् केन्द्र-राज्य-सर्वकारयोः संयुक्त-प्रयत्नैः विविधैः सङ्घटनैः सह द्वादशाधिकानि शान्ति-सन्धि: सम्पन्नाः, येषां परिणामस्वरूपं राज्ये सुरक्षा-विकासयोः अनुकूलं वातावरणं निर्मितम्।

कलिता अवदत् यत् प्रधानमन्त्रिण: नरेन्द्रमोदिनः काजीरङ्ग-राष्ट्रीय-उद्यानस्य भ्रमणेन तत्र रात्रिनिवासेन च असमस्य पर्यटनाय वैश्विकी मान्यता प्राप्ता। वर्षे २०२५–२६ काजीरङ्ग-राष्ट्रीय-उद्याने प्रायः ५.४८ लक्षाः पर्यटकाः आगतवन्तः, यदा गतवर्षे राज्यस्य विमानपत्तनानां माध्यमेन ७० लक्षाधिकाः यात्रिण: यात्रां कृतवन्तः।

तेन अपि उक्तं यत् अधुना एव यूरोपीय-संघस्य प्रतिनिधिमण्डलस्य असम-भ्रमणानन्तरं यूरोपीय-संघस्य सदस्यराष्ट्राणां नागरिकाणां कृते असम-यात्रासम्बद्धानि प्रतिबन्धानि निरस्तानि। एतेन असमस्य पर्यटन-निवेश-क्षेत्रयोः नूतना गतिः भविष्यति। अस्मात् पूर्वम् ऑस्ट्रेलिया तथा जापानदेशौ अपि स्वनागरिकाणां कृते असम-यात्रायाः प्रतिबन्धान् अपासरताम्।

भाजपा-प्रवक्ता अवदत् यत् राज्य-सर्वकारस्य होमस्टे-योजना, बौद्ध-पर्यटन-परिपथे उत्तरपूर्व-प्रदेशस्य समावेशः, अन्तरराष्ट्रीय-स्तरीय-सङ्गीत-कार्यक्रमाणाम् आयोजनम्, तथा आईपीएल अन्येषां च अन्ताराष्ट्रिय-क्रिकेट-क्रीडास्पर्धानाम् आयोजनं च असमं यूनां पर्यटकाणां च प्रियं गन्तव्यस्थानं कुर्वन्ति। तेन उक्तं यत् पर्यटन-क्षेत्रस्य राज्यस्य अर्थव्यवस्थायां योगदानं निरन्तरं वर्धते, तेन च नूतनाः रोजगारावसराः अपि सृज्यन्ते।

प्राञ्जलकलिता पुनरवदत् यत् मुख्यमन्त्री डॉ.हिमन्तबिस्वसरमण: नेतृत्वे असमस्य पर्यटन-क्षेत्रे नूतनयुगस्य शुभारम्भः अभवत्। एतेन राज्यस्य आर्थिकप्रगतिः वर्धिता, युवभ्यः आत्मनिर्भरता तथा रोजगारस्य अवसराश्च अधिकतया उपलब्धाः अभवन्।

Hindusthan Samachar / Divya Ranjan