Enter your Email Address to subscribe to our newsletters
नवदेहली, २१ जूनमास: (हि.स.)। केन्द्रीयवाणिज्य-उद्योगमन्त्री पीयूषगोयलः रविवासरे अवदत् यत् वैश्विकार्थिका-निश्चिततानाम् उपस्थितावपि चलितवित्तवर्षे २०२६–२७ तमे वर्षे एप्रिलमासात् जूनमासस्य १४ दिनाङ्कपर्यन्तं भारतस्य वस्तुनिर्याते प्रायः १५ प्रतिशतवृद्धिः अभिलेखिता अस्ति। मेमासे भारतस्य निर्यातः १८ प्रतिशतं वर्धित्वा ४५.२ अर्बुद-अमेरिकी-डॉलर-परिमाणं प्राप्तवान्, यत् षण्मासेषु सर्वोच्चस्तरः अस्ति।
मुंबईनगरे योगदिवसस्य अवसरे सम्पन्ने ‘चार्टर्ड-अकाउण्टेण्ट’-जनैः सह आयोजितसंवादे केन्द्रीयवाणिज्य-उद्योगमन्त्री एतद् उक्तवान्। सः अवदत् यत् अमेरिकादेशेन ५० प्रतिशतं शुल्कं आरोपितम् अपि सति गतवित्तवर्षे २०२५–२६ तमे वर्षे भारतस्य निर्याते सुदृढा वृद्धिः अभवत्। यदि एप्रिल-मेमासयोः पूर्णमासद्वयं तथा जूनमासस्य प्रथमेषु १४ दिनेषु उपलब्धान् विवरणान् परीक्षामहे, तर्हि निर्याते १५ प्रतिशतवृद्धिः दृश्यते। अस्मिन्नेव अवधौ व्यापारहानि: अपि वर्धित्वा २८.२१ अर्बुद-अमेरिकी-डॉलर-परिमाणः अभवत्। स्वसम्बोधने गोयलः ‘चार्टर्ड-अकाउण्टेण्ट्’-जनान् विकसितभारतस्य निर्माणे सक्रिययोगदानं दातुम् आहूतवान्।
केन्द्रीयवाणिज्य-उद्योगमन्त्री पीयूषगोयलः अवदत् यत् भारतस्य तथा सप्तविंशतिसदस्यात्मकस्य यूरोपीयसङ्घस्य मध्ये मुक्तव्यापारसन्धे: विषये अस्य वर्षस्य दिसम्बरमासपर्यन्तं हस्ताक्षराणि भविष्यन्ति, ततः परवर्षस्य फेब्रुवरी–मार्चमासयोः मध्ये तस्य कार्यान्वयनस्य सम्भावना वर्तते। अस्य वर्षस्य जनवरीमासस्य २७ दिनाङ्के भारतः यूरोपीयसङ्घश्च वार्तानां समापनस्य घोषणां कृतवन्तौ।
वाणिज्यमन्त्रालयेन जूनमासस्य निर्यात-आयातसम्बद्धाः आधिकारिकणि विवरणानि जुलाईमासस्य १५ दिनाङ्के प्रकाशितानि भविष्यन्ति। मन्त्रालयेन प्रकाशितेषु आँकडेषु दर्शितम् अस्ति यत् २०२६–२७ वित्तवर्षस्य एप्रिल-मे-मासयोः अवधौ भारतस्य निर्यातः १६.०९ प्रतिशतं वर्धित्वा ८८.९१ अर्बुद-अमेरिकी-डॉलर-परिमाणम् अभवत्, आयातश्च १५.१४ प्रतिशतवृद्ध्या १४५.३५ अब्ज-अमेरिकी-डॉलर-परिमाणं प्राप्तवान्। अस्मिन् काले व्यापारहानि: ५६.४४ अर्बुद-अमेरिकी-डॉलर-परिमाणम् अभिलेखितम्।
हिन्दुस्थान समाचार / Divya Ranjan