Enter your Email Address to subscribe to our newsletters
अररियानगरम्, २१ जूनमासः (हि.स.)। अररिया-जनपदे अन्ताराष्ट्रिय-योगदिवसस्य अवसरे योगस्य व्यापकः उत्साहः दृष्टः।
शरीरं स्वस्थं निरोगं च धारयितुं जनैः योगस्य आश्रयः स्वीकृतः। नगरेभ्यः ग्रामप्रदेशपर्यन्तं जनाः स्वशरीरस्य सुदृढतायै योगाभ्यासम् अकुर्वन्।
अररिया-महाविद्यालय-क्रीडाङ्गणे, नेताजी-सुभाष-क्रीडाङ्गणे, महिला-महाविद्यालयस्य क्रीडाक्षेत्रे, उच्चविद्यालयस्य क्रीडाक्षेत्रे, आजाद्-अकादमी-क्रीडाक्षेत्रे, आर.एस.-स्थिते केन्द्रीय-विद्यालये, पी.एम.-श्री-नवोदय-विद्यालये, एस.एस.बी.-द्विपञ्चाशत्तम-मुख्यालयस्य क्रीडाक्षेत्रे, तथा विविधेषु सभागृहेषु जनैः योगाभ्यासः विविधासनानां च अभ्यासः कृतः।
तत्र ताडासनम्, वृक्षासनम्, पद्मासनम्, भद्रासनम्, भुजङ्गासनम्, धनुरासनम्, सेतुबन्धासनम्, पवनमुक्तासनम्, अनुलोम-विलोमः, कपालभातिः इत्यादीनां योगक्रियाणाम् अभ्यासः कृतः। योगाभ्यासे सामान्यजनात् विशिष्टजनपर्यन्तं बहवः उत्साहेन सहभागिन: अभवन्।
फारबिसगञ्जे अपि योगदिवसस्य विशेषः उत्साहः आसीत्। पतञ्जलि-योग-समितेः आयोजनत्वेन शगुन-बैंक्वेट-सभागार-परिसरे आयोजिते योगशिविरे आयोजनसमितेः सुबोध-गुप्तः, राजू-साहः, काशी-साहः, सुरेन्द्र-मण्डलः, नमिता-वर्मा, अम्बिका-मेहता, लक्ष्मी-रञ्जनः तथा अजातशत्रु-अग्रवालः उपस्थिताः आसन्। अस्मिन् शिविरे प्रशासनिक-अधिकारिणः नगरस्य गणमान्य-जनाश्च सहभागित्वम् अकुर्वन्।
तदनन्तरं फारबिसगञ्ज-लायन्स-क्लब-इत्यस्य आयोजनत्वेन आवश्यकता-युक्तेभ्यः जनाभ्यः रक्तदान-शिविरम् अपि आयोजितम्।
डॉ.अजय-कुमार-सिंहः, डॉ.शम्भु-कुमारः, अभिषेक-नीरजः, सुमित-अग्रवालः तथा सच्चिदानन्द-मेहता इत्येषां निरीक्षणे रक्तदान-कार्यक्रमः सम्पन्नः।
जनपदस्य सर्वेषु क्रीडाक्षेत्रेषु, विविधेषु सभागृहेषु तथा सर्वेषु विद्यालयेषु योगकार्यक्रमाः आयोजिताः। तेषु महिला-पुरुषाः बालकाश्च बहुसंख्यया सहभागित्वं कृत्वा योगाभ्यासम् अकुर्वन्।
Hindusthan Samachar / Divya Ranjan