Enter your Email Address to subscribe to our newsletters
श्रीनगरम्, 21 जूनमासः (हि.स.)।
जम्मूकश्मीरस्य उपराज्यपालः मनोज सिन्हा रविवासरे योगदिवससमारोहस्य नेतृत्वं कृतवान् तथा उक्तवान् यत् योगः शारीरिकमानसिकस्वास्थ्ययोः संरक्षणे सहायकः अस्ति। डलसरोवरस्य तीरे स्थिते एसकेअईसीसी इत्यत्र जनान् सम्बोधयन् सः उक्तवान् यत् योगः अस्मान् स्वास्थ्यस्य सुखस्य च अधिकसमग्रपरिधिं प्रति नयति।
सिन्हा उक्तवान् यत् अस्मिन् वर्षे योगदिवसस्य विषयः स्वस्थवृद्धावस्थायै योगः इति अस्ति। वर्धमाने तनावपूर्णे परिवेशे स्वास्थ्यसम्बद्धानां आधुनिकपरिस्थितीनां मध्ये योगः आशायाः दृढां किरणं प्रददाति। आगच्छामः, अद्य स्वस्थजीवनशैलीस्वीकरणस्य संकल्पं कृत्वा तस्यां सहभागीभूत्वा स्वास्थ्यस्य दिशि एकं पदं अग्रे स्थापयामः।
सः जम्मूकश्मीरस्य जनान् योगकार्यक्रमेषु सक्रियरूपेण भागं ग्रहीतुं तथा स्वस्थजीवनशैलीप्रवर्धनस्य अभियानं अग्रे नेतुम् आग्रहं कृतवान्। सः पुनः उक्तवान् यत् योगः अस्माकं प्राचीनभारतीयविरासतायाः अमूल्यः निधिः अस्ति, यः मनसः शरीरस्य च मध्ये सामञ्जस्यं स्थापयति, मानवस्य प्रकृतेः च मध्ये सम्बन्धं निर्माति तथा अस्मान् स्वास्थ्यस्य सुखस्य च अधिकसमग्रपरिधिं प्रति नयति।
योगदिवससमारोहे स्वास्थ्यन्त्री सकीना इट्टू, मुख्यसचिवः अटल डुल्लू तथा पुलिसमहानिदेशकः नलिन प्रभात इत्यादयः बहवः जनाः सहभागिनोऽभवन्।
---------------
Hindusthan Samachar / Dheeraj Maithani