नूंह, 21 जूनमासः (हि.स.)।

अन्ताराष्ट्रिययोगदिवसस्य अवसर उपलक्ष्ये नूंहजनपदस्य जिला पुलिस लाइन इत्यत्र जिलास्तरीययोगकार्यक्रमस्य भव्यं आयोजनम् अभवत्। कार्यक्रमे हरियाणासर्वकारस्य उद्योगवाणिज्यमन्त्री राव नरबीर सिंह मुख्यातिथिरूपेण उपस्थितः अभवत् तथा उपस्थितैः जनैः सह योगाभ्यासं कृतवान्।

अस्मिन् अवसरे मन्त्री राव नरबीर सिंह द्वादशमस्य अन्ताराष्ट्रिययोगदिवसस्य निमित्तं सर्वेभ्यः प्रदेशवासिभ्यः हार्दिकाः बधायाः शुभकामनाश्च प्रदत्तवान्।

सः उक्तवान् यत् योगः भारतस्य प्राचीना अमूल्या च धरोहरः अस्ति, यां अद्य सम्पूर्णं विश्वं स्वीकुरुते। योगः केवलं शरीरस्य मस्तिष्कस्य च स्वास्थ्यरक्षणस्य माध्यमं नास्ति, अपितु व्यक्तेः जीवने सकारात्मकपरिवर्तनानयनाय दीर्घायुषः प्रदानाय च महत्त्वपूर्णां भूमिकां निर्वहति।

मन्त्री उक्तवान् यत् भगवान् श्रीकृष्णः अपि योगिपुरुषः इति कथितः अस्ति तथा भारतीयसंस्कृतौ योगस्य विशेषं महत्त्वं वर्तते। सः सर्वान् नागरिकान् योगं स्वदैनिकदिनचर्यायाः अङ्गरूपेण स्वीकर्तुम् अपीलं कृत्वा उक्तवान् यत् नियमितयोगाभ्यासेन मानसिकशान्तिः, आत्मविश्वासः तथा उत्तमं स्वास्थ्यं प्राप्यते।

स्वसम्बोधने राव नरबीर सिंह युवासु वर्धमानायाः मादकद्रव्यसेवनप्रवृत्तेः विषये अपि चिन्तां व्यक्तवान्। सः उक्तवान् यत् एनसीआर क्षेत्रं सहितं बहुषु प्रदेशेषु मादकद्रव्यसेवनस्य प्रचलनं वर्धते, यस्य निरोधार्थं सर्वकारः निरन्तरं प्रयत्नशीलः अस्ति। सः युवभ्यः विद्यार्थिभ्यश्च मादकद्रव्येभ्यः दूरं स्थातुं तथा स्वस्थजीवनाय योगं स्वीकर्तुम् आह्वानं कृतवान्। सः उक्तवान् यत् हरियाणाराज्यस्य मादकद्रव्यविमुक्तीकरणं सर्वेषां सामूहिकम् उत्तरदायित्वम् अस्ति।

योगसत्रस्य प्रारम्भात् पूर्वं प्रधानमन्त्री नरेन्द्रमोदिनः तथा हरियाणामुख्यमन्त्रिणः नायब सिंह सैनी इत्यस्य सम्बोधनयोः प्रत्यक्षप्रसारणम् अपि प्रदर्शितम्, यत् उपस्थितजनैः सावधानतया श्रुतम्।

कार्यक्रमे विविधविद्यालयानां महाविद्यालयानां च विद्यार्थिनः, युवानः, सामाजिकसङ्गठनानां प्रतिनिधयः, स्वयंसेवीसंस्थानां प्रतिनिधयः तथा सामान्यनागरिकाः उत्साहपूर्वकं सहभागी अभवन्। प्रशिक्षकाणां मार्गदर्शने प्रतिभागिभिः विविधयोगासनानि प्राणायामाश्च कृताः तथा योगस्य महत्त्वम् अवगतं कृतम्।

जिलास्तरीययोगकार्यक्रमस्य मुख्योद्देश्यः जनान् योगस्य प्रति जागरूकान् कर्तुं तथा स्वस्थजीवनशैलीस्वीकरणाय प्रेरयितुम् आसीत्। कार्यक्रमस्य समये जिला पुलिस लाइन इत्यत्र उत्साहस्य, अनुशासनस्य तथा स्वास्थ्यजागरूकतायाः विशेषः वातावरणः दृष्टिगोचरः अभवत्। अधिकारिणां सामान्यजनानां च सहभागितया योगदिवसस्य सन्देशः अधिकं प्रभावकारी कृतः।

---------------

Hindusthan Samachar / Dheeraj Maithani