अमृतसरः, 21 जूनमासः (हि.स.)।

शेर ए पंजाब महाराजस्य रणजीतसिंहस्य पुण्यतिथ्याः अवसर उपलक्ष्ये पाकिस्तानदेशस्थितानां ऐतिहासिकानां सिखगुरुधाम्नां दर्शनार्थं श्रद्धालूनां जत्थः रविवासरस्य प्रातःकाले शिरोमणि गुरुद्वारा प्रबन्धक समितेः कार्यालयात् प्रस्थितः। जत्थस्य प्रस्थानात् पूर्वं धार्मिकमर्यादानुसारम् अरदासा कृता तथा श्रद्धालुभ्यः शुभकामनाः प्रदाय तेषां विदायः कृतः। अस्मिन् अवसरे श्रद्धालुषु तेषां परिजनेषु च विशेषः उत्साहः दृष्टिगोचरः अभवत्।

एसजीपीसी इत्यस्य अनुसारम् अस्मिन् वर्षे ३०२ श्रद्धालूनां पासपोर्टपत्राणि वीजाप्राप्त्यर्थं प्रेषितानि आसन्, तेषु २९० श्रद्धालुभ्यः पाकिस्तानदेशस्य वीजा प्राप्तः। वीजाप्राप्ताः सर्वे श्रद्धालवः अद्य जत्थेन सह पाकिस्तानदेशं प्रति प्रस्थिताः। अयं जत्थः पाकिस्तानदेशस्थितानि विविधानि ऐतिहासिकधार्मिकमहत्त्वयुक्तानि गुरुद्वाराणि द्रक्ष्यति तथा जूनमासस्य ३० दिनाङ्के भारतदेशं प्रत्यागमिष्यति। यात्राकाले श्रद्धालवः सिखइतिहासेन गुरु साहिबानाम् च सह सम्बद्धेषु पवित्रस्थलेषु मत्था टेकिष्यन्ति।

यात्रायाः प्रस्थानात् पूर्वं श्रद्धालवः स्वां प्रसन्नतां व्यक्तवन्तः यत् तेषां धर्मेण विरासतया च सम्बद्धानां पवित्रस्थानानां दर्शनस्य अवसरः प्राप्तः, यः तेषां कृते अत्यन्तं विशिष्टः क्षणः अस्ति। एकः श्रद्धालुः उक्तवान् यत् प्रत्येकस्य सिखधर्मानुयायिनः इच्छा भवति यत् सः तेषु गुरुद्वारेषु मत्था टेकेत्, यत्र सिखगुरूणां महानां विभूतीनां च स्मृतयः सम्बद्धाः सन्ति।

श्रद्धालवः अवदन् यत् ते दीर्घकालात् एतस्याः यात्रायाः प्रतीक्षां कुर्वन्तः आसन्, अधुना च एषः अवसरः प्राप्तः इति कारणेन तेषां प्रसन्नता द्विगुणिता अभवत्। ते एसजीपीसी तथा सम्बद्धप्रशासनस्य प्रति कृतज्ञतां प्रकट्य अवदन् यत् यात्रार्थं कृताः व्यवस्थाः प्रशंसनीयाः सन्ति। प्रस्थानसमये श्रद्धालूनां मुखमण्डलेषु आध्यात्मिकः उत्साहः श्रद्धा च स्पष्टतया दृश्येते स्म। संगत्या श्रद्धालुभ्यः शुभकामनाः प्रदत्ताः तथा तेषां सुखदायाः सफलायाः चढदी कला युक्तायाः यात्रायाः कृते प्रार्थना कृता।

----------------------

Hindusthan Samachar / Dheeraj Maithani