फतेहपुरम्, 22 जूनमासः (हि.स.)। उत्तरप्रदेशस्य फतेहपुरजनपदे सोमवासरे एफसीआई प्रशिक्षणकेन्द्रेण तपस्वीनगरस्थितेन भारतीयसेनायां चयनितान् द्वादश युवानः सम्मानिताः।

सम्मानसमारोहस्य शुभारम्भः प्रशिक्षकस्य कुलदीपपालस्य, संरक्षकस्य अभियन्तुः अनुरुद्धमौर्यस्य तथा सूबेदार-अनिरुद्धमहाशयस्य नेतृत्वे अभवत्।

मुख्यातिथयः चन्द्रदेवमौर्यः, कन्हैयालालमौर्यः, कुमारशेखरः, भोजनजनसेवासमित्याः प्रतिनिधयः, शिवमसोनी, हरिकेशमौर्यः, रुद्रपालसिंहः तथा जागेश्वरफौजी इत्येते द्वयोः युवयोः कमाण्डोदले तथा दश युवानां भारतीयसेनायां चयनस्य उपलक्ष्ये तान् माल्यार्पणेन, अङ्गवस्त्रप्रदानेन तथा प्रतीकचिह्नसमर्पणेन सम्मानितवन्तः।

वक्तारः चयनितानां युवानां उज्ज्वलभविष्यस्य शुभकामनाः प्रदाय तान् राष्ट्रसेवायै प्रेरितवन्तः। कार्यक्रमस्य अन्ते प्रशिक्षकः कुलदीपपालः अवदत् यत् तस्य प्रशिक्षणकेन्द्रात् गतद्विवर्षेषु पञ्चचत्वारिंशत् युवानः भारतीयसेनायां चयनिताः सन्ति।

अस्मिन् अवसरे शिक्षकाः, चयनितयुवानां मातापितरौ, प्रशिक्षणकेन्द्रस्य छात्राः तथा अन्ये बहवः जनाः उपस्थिताः आसन्।----------

Hindusthan Samachar / Dheeraj Maithani