नवदिल्ली, २२ जूनमासः (हि.स.)। भारतीयजनतापक्षः प्रतिवर्षमिव अस्मिन् वर्षेऽपि २५ जूनमासे आपत्कालस्य कृष्णदिवसस्य निमित्तं जनजागरणसभाम् आयोजयिष्यति।

दिल्लीभाजपाध्यक्षः हर्षमल्होत्रा अवदत् यत् भारतीयजनतापक्षः १९८० तमे वर्षे स्थापनात् प्रभृति: प्रतिवर्षं २५ जूनदिने आपत्कालविरोधि-जनजागरणसभां करोति। अस्मिन् वर्षे गुरुवासरे, २५ जूनदिने, प्रातः ११ वादने एनडीएमसी-कन्वेन्शन-केन्द्रं, जन्तर-मन्तर-स्थले जनजागरणसभायाः आयोजनं भविष्यति।

अस्याः सभायाः सफलसम्पादनार्थं प्रदेशाध्यक्षेन त्रिसदस्यात्मिका समिति: गठिता। तस्यां सांसदः योगेन्द्रचान्दोलिया, पूर्वयुवमोर्चाध्यक्षः धर्मवीरशर्मा, पूर्वजनपदाध्यक्षः देवेन्द्रसोलङ्की च समाविष्टाः सन्ति। एषा समिति: दिल्लीप्रदेशात् तथा दिल्ली-एनसीआर-क्षेत्रात् निवसन्तः आपत्कालबन्दिनः आमन्त्र्य सार्वजनिककार्यक्रमे तेषां सम्मानं करिष्यति।

तेन उक्तं यत् २५ जूनमासे १९७५ तमे वर्षे तत्कालीन-प्रधानमन्त्रिणी इन्दिरागान्धी आपत्कालस्य घोषणां कृत्वा राजनैतिककार्यकर्तॄणां सामान्य-नागरिकाणां च मौलिकाधिकारान् हृतवती। तदा सहस्रशः जनाः मीसा-सहिताभिः विभिन्नाभिः विधिधाराभिः अन्तर्गताः गृहीत्वा कारागारेषु निरुद्धाः आसन्।

Hindusthan Samachar / Divya Ranjan