जयपुरम्, 22 जूनमासः (हि.स.)।

इण्डियन हेल्थकेयर लीग (आईएचएल) इत्यनेन स्वस्य द्वितीयचरणार्थं महत्त्वपूर्णविस्तारस्य घोषणा कृता। भारतीयक्रीडकः रवि बिश्नोई लीगस्य आधिकारिकब्रह्मदूतत्वेन नियुक्तः अस्ति। अस्मिन् अवसरे डॉ. भगवान बिश्नोई, अशोक बिश्नोई, राजेश बिश्नोई, रोहित झालानी, शुभम चौधरी तथा सुनील शर्मा इत्यादयः बहवः गणमान्यजनाः उपस्थिताः आसन्।

व्हाइट कोट स्पोर्ट्स इत्यया संस्थया प्रवर्ध्यमानस्य आईएचएल इत्यस्य प्रारम्भः देशव्यापिनां स्वास्थ्यसेवाव्यावसायिकानां कृते समानक्रीडामञ्चस्य उपलब्ध्यर्थं तथा स्वास्थ्यजागरूकताभियानानां माध्यमेन समाजे सकारात्मकपरिवर्तनस्य आनयनार्थं कृतः आसीत्। प्रथमचरणे दिल्ली, गुजरात, राजस्थान, महाराष्ट्र, हरियाणा तथा उत्तरप्रदेशस्य फ्रेञ्चाइजीसमूहाः समाविष्टाः आसन्। अधुना लीग राष्ट्रियस्तरे विस्तारस्य नवीनचरणे प्रविशति।

आईएचएल इत्यस्य संस्थापकः तथा व्हाइट कोट स्पोर्ट्स इत्यस्य अध्यक्षः डॉ. राहुल मंगल अवदत् यत् रवि बिश्नोई इत्यस्य लीगेन सह सम्बद्धता ऐतिहासिकः क्षणः अस्ति। तेन उक्तं यत् क्रिकेटक्रीडायाः माध्यमेन रोगप्रतिबन्धकस्वास्थ्यसेवा, कर्कटरोगजागरूकता, शारीरिकस्वास्थ्यसंवर्धनम् तथा मानसिकस्वास्थ्यं इत्यादिषु महत्त्वपूर्णविषयेषु व्यापकजनजागरूकता प्रसारिता भविष्यति।

ब्रह्मदूतः रवि बिश्नोई अवदत् यत् क्रिकेटक्रीडा समाजस्य सर्वान् वर्गान् संयोजयितुं समर्थं माध्यमम् अस्ति तथा आईएचएल अस्याः शक्तेः उपयोगं स्वास्थ्यस्य स्वस्थजीवनशैल्याः च विषये जागरूकताप्रसारणार्थं करोति। तेन लीगस्य प्रयासानां समर्थनं जनान् च स्वस्थजीवनशैलीग्रहणार्थं प्रेरयितुं स्वसंकल्पः व्यक्तीकृतः।

आईएचएल इत्यस्य मुख्यकार्यनिर्वाहकः निशान्त मेहता अवदत् यत् द्वितीयचरणः लीगस्य कृते परिवर्तनकारी सिद्धः भविष्यति। अस्मिन् विशेषपरामर्शमण्डलस्य गठनम्, ‘शीस्ट्राइक’ इति उपक्रमस्य प्रारम्भः, नवीनफ्रेञ्चाइजीसमूहानां समावेशः तथा देशव्यापिनः वैद्यपरीक्षणकार्यक्रमाः आयोजयिष्यन्ते। तस्य मते लीगस्य उद्देश्यं क्रिकेटक्रीडां स्वास्थ्यजागरूकतायाः तथा स्वस्थसमुदायनिर्माणस्य प्रभावीमाध्यमं कर्तुम् अस्ति।

दर्शकाणाम् अनुभवं अधिकं समृद्धं कर्तुं आईएचएल इत्यनेन स्वप्रसारणेषु राजस्थानीभाषायाः समालोचनाप्रसारणस्य अपि घोषणा कृता। अयं उपक्रमः राजस्थानस्य समृद्धसांस्कृतिकविरासतायाः तथा राजस्थानीभाषायाः राष्ट्रियमञ्चे नवीनपरिचयप्रदाने महत्त्वपूर्णं पदम् इति मन्यते।

---------------

Hindusthan Samachar / Dheeraj Maithani