Enter your Email Address to subscribe to our newsletters
नवदिल्ली, 22 जूनमासः (हि.स.)।
राजस्थानात् पुनर्निर्वाचितः राज्यसभासदस्यः नीरज डांगी सोमवासरे संसद्भवने सभापतिना सीपी राधाकृष्णनेन राज्यसभासदस्यरूपेण शपथं ग्राहिता। डांगिना हिन्दीभाषायां शपथग्रहणं कृतम्।
अस्मिन् अवसरे राज्यसभायाः उपसभापतिः हरिवंश, संसदीयकार्यमन्त्री अल्पसंख्यककार्यमन्त्री च किरेन रिजिजू, राज्यसभायां सदनस्य नेता केन्द्रीयमन्त्री च जेपी नड्डा, राज्यसभायां काङ्ग्रेसपक्षस्य वरिष्ठनेता जयराम रमेश, राज्यसभायाः महासचिवः पी सी मोदी तथा राज्यसभासचिवालयस्य वरिष्ठाधिकारिणः उपस्थिताः आसन्।
उल्लेखनीयम् अस्ति यत् काङ्ग्रेसदलस्य वरिष्ठनेता नीरज डांगी २०२० तमे वर्षे प्रथमवारं राज्यसभायै निर्वाचितः आसीत् तथा च २०२६ तमे वर्षे पुनः निर्विरोधरूपेण निर्वाचितः। सिविल अभियांत्रिकी शिक्षां प्राप्तः डांगी दीर्घकालात् काङ्ग्रेससङ्गठने सक्रियः अस्ति। सः संसदि जनहितसम्बद्धान् सामाजिकन्यायसम्बद्धान् राजस्थानस्य विकाससम्बद्धान् च विषयान् प्रभावकरूपेण उत्थापयन् आगतः।
---------------
Hindusthan Samachar / Dheeraj Maithani