हमीरपुरम्, 22 जूनमासः (हि.स.)।

उत्तरप्रदेशस्य हमीरपुरजनपदे पुलिस अधीक्षकः मृगाङ्ग शेखरपाठकः सोमवासरे यूपी ११२ इत्यस्य तान् अष्टौ पुलिसकर्मचारिणः प्रशस्तिपत्रैः सम्मानितवान्, ये कर्तव्यपालनकाले त्वरितं मानवीयं प्रशंसनीयं च कार्यं कृत्वा आवश्यकताग्रस्तजनानाम् सहायता कृत्वा पुलिसविभागस्य संवेदनशीलप्रतिमां सुदृढीकृतवन्तः।

पुलिस अधीक्षकः अवदत् यत् पुलिसकर्मचारिणः विविधासु घटनासु तत्परतां प्रदर्श्य उल्लेखनीयानि कार्याणि कृतवन्तः। तेषु मौदहा थाना क्षेत्रे सप्तवर्षीयायाः बालिकायाः प्राप्तेः सूचना प्राप्ता। ततः पुलिसदलम् घटनास्थलं प्राप्य बालिकया सह पृच्छां कृतवान् तथा तस्याः परिजनान् आहूय तेषां कृते सा सकुशलं समर्पिता। तथैव जरिया थाना क्षेत्रे मार्गदुर्घटनायां गम्भीररूपेण आहतं जनं तत्कालं गोहाण्ड सामुदायिकस्वास्थ्यकेन्द्रं नीत्वा समये उपचारः प्रदत्तः, येन तस्य जीवनं रक्षितम्।

राठ थाना क्षेत्रे मोटरसाइकिलयानस्य ई रिक्शायानस्य च आमुखसंघर्षे गम्भीररूपेण आहतान् जनान् तत्कालं हमीरपुर जिलाचिकित्सालयं नीत्वा उपचारः कारितः तथा तेषां जीवनं रक्षितम्। एतेषां प्रशंसनीयानां मानवीयानां च कार्याणां कृते पायलट होमगार्ड ५२६ इस्माइल, कमाण्डर आरक्षी विकास कुमार, पायलट आरक्षी संजेश कुमार, सब कमाण्डर सत्यप्रकाश, कमाण्डर आरक्षी आसिफ शेख, पायलट आरक्षी मो फिरोज, सह कमाण्डर आरक्षी रनवीर तथा कमाण्डर मुख्य आरक्षी अतुल कुमार इत्येते पुलिस अधीक्षकेण सम्मानिताः।

तेन उक्तं यत् एतेषां पुलिसकर्मचारिणां तत्परता, कर्तव्यनिष्ठा तथा मानवीयसंवेदनशीलता पुलिसविभागस्य उत्कृष्टकार्यशैल्याः परिचायिका अस्ति। एतादृशैः कार्यैः सामान्यजनेषु आरक्षिविभागस्य प्रति विश्वासः, सुरक्षाभावना तथा सम्मानभावना अधिकं सुदृढा भवति तथा समाजे सकारात्मकः सन्देशः प्रसारितो भवति।

--------------

Hindusthan Samachar / Dheeraj Maithani