देहरादूनम्, 22 जूनमासः (हि.स.)।'मम युवा भारत' उत्तरकाशी द्वारा आयोजितस्य सप्तदिवसीयस्य 'विकसित वाइब्रेंट विलेज प्रोग्राम' इत्यस्य समापनम् अभवत्। अस्य विशेषस्य राष्ट्रियैक्याध्ययनकार्यक्रमस्य अन्तर्गतं अरुणाचलप्रदेशात्, ओडिशाराज्यात्, हिमाचलप्रदेशात् च आगताः युवानः उत्तरकाश्याः सीमावर्तिक्षेत्राणि, भारतचीनसीमा, वाइब्रेंट विलेज ग्रामान् च भ्रमित्वा भूमिस्तरे सम्पद्यमानानि विकासकार्याणि, स्थानीयसंस्कृतिम्, सीमाक्षेत्रजीवनस्य चुनौतयः च समीपतः अवगन्तुम् अशक्नुवन्।

सप्तदिवसीयकार्यक्रमस्य अवधौ भारततिब्बतसीमापुलिसबलस्य आईटीबीपी माटली शिविरे द्वादशवाहिन्या युवभ्यः सीमासुरक्षायाः वाइब्रेंट विलेज कार्यक्रमस्य रणनीतिकमहत्त्वस्य च विषये विशेषसूचनाप्रदर्शनम् अकारि। द्वितीये दिने आवश्यकदस्तावेजीकरणप्रक्रियायाः सम्पन्नतायाः अनन्तरं शारीरिकमानसिकसुदृढतायाः परीक्षणार्थं युवानः कन्दारा बुग्यालस्य दुर्गमं परमसुन्दरं च पर्वतमार्गं सफलतया पूर्णवन्तः।

सुखी ग्रामे युवानः तत्रत्यैः ग्रामप्रधानैः सह विशेषसंवादम् अकुर्वन्। ग्रामसर्वेक्षणस्य माध्यमेन स्थानीयसमस्याः स्वरोजगारस्य सम्भावनाश्च अवगतानि। सायंकाले स्थानीयसंस्कृतेः प्रदर्शनार्थं वैचित्र्यपूर्णाः सांस्कृतिककार्यक्रमाः अपि आयोजिताः। झाला ग्रामे युवानां प्रत्यक्षसंवादः अभवत्। एतदतिरिक्तं युवभ्यः क्रीडास्पर्धानाम् आयोजनम् अकारि तथा च विशेषसत्रे 'शासकीययोजनाः राजनीतौ युवानां सहभागिता च' इति विषये चर्चा कृता।

अस्य सम्पूर्णस्य कार्यक्रमस्य महान् आकर्षणबिन्दुः पञ्चमे दिने भारतचीनसीम्नि स्थितयोः नेलोंग जादुंग इत्येतयोः ऐतिहासिकरणनीतिकसीमाग्रामयोः भ्रमणम् आसीत्। युवानः आईटीबीपी नागा सीमाचौक्यां गत्वा राष्ट्ररक्षायां तत्परैः हिमवीरैः सह मध्याह्नभोजनम् अकुर्वन् तथा च तेषां मनोबलम् अवर्धयन्। ततः परं आईटीबीपी उपसमादेशकेन सह विशेषसंवादसत्रस्य आयोजनम् अभवत्, यत्र युवानः राष्ट्रस्य सुरक्षाव्यवस्थाः प्रतिकूलपरिस्थितिषु सेनायाः प्रबन्धनं च अवगन्तुम् अशक्नुवन्। अस्यैव श्रेण्यां युवानः विश्वप्रसिद्धं गङ्गोत्रीधाम गङ्गोत्रीग्रामं च अपि अभ्रमन्।

सप्तमे अन्तिमदिने कार्यक्रमस्य समापनं भव्याभिः सांस्कृतिकप्रस्तुतिभिः सह अभवत्। सम्पूर्णसप्ताहे अनुकरणीयानुशासनं सीमावर्तिक्षेत्राध्ययने उत्कृष्टं प्रदर्शनं च प्रदर्शितवन्तः सहभागिनः युवानः प्रमाणपत्रैः सम्मानिताः। अस्य सप्तदिवसीयकार्यक्रमस्य मुख्योद्देशः राष्ट्रस्य युवानः सीमावर्तिक्षेत्राणां समृद्धसंस्कृतेः, तत्रत्यभौगोलिकचुनौत्याः तथा च प्रधानमन्त्री नरेन्द्र मोदी विरचितस्य 'वाइब्रेंट विलेज विजन' इत्यस्य प्रत्यक्षपरिचयं प्राप्नुयुः इति आसीत्। '

----------------

Hindusthan Samachar / Dheeraj Maithani