Enter your Email Address to subscribe to our newsletters
एआई सचिवस्य शुभारंभः, पंचायतेषु डिजिटल सुशासनाय मिलिष्यति नूतनगतिः
वाराणसी, 22 जूनमासः (हि.स.)। वाराणस्यां जनपदे पिरामल फाउण्डेशन इत्यस्य पक्षतः विकसितस्य कृत्रिमबुद्धिमत्ता आधारितस्य डिजिटलमञ्चस्य एआई सचिव जी इत्यस्य शुभारम्भः सोमवासरे अभवत्। कचहरी स्थिते आयुक्तकार्यालयस्य सभागारे आयोजिते कार्यक्रमे जिलाधिकारी सत्येन्द्र कुमारः, मुख्यविकासाधिकारी प्रखर कुमार सिंहः, जिलापञ्चायतराजाधिकारी आलोक कुमार सिन्हः तथा प्रधानसङ्घस्य जिलाध्यक्षः राकेश सिंहः पोस्टरं विमोच्य अस्य प्रारम्भं कृतवन्तः।
अस्मिन्नवसरे जिलाधिकारी सत्येन्द्र कुमारः उक्तवान् यत् कृत्रिमबुद्धिमत्ता प्रशासनिकव्यवस्थां अधिकप्रभाविनीं, पारदर्शिनीं तथा उत्तरदायिनीं कर्तुं समर्थं साधनं भवति। तेन उक्तं यत् एआई सचिव जी इत्यस्य माध्यमेन ग्रामपञ्चायतीनां सम्बन्धिन्यः विविधाः शासकीययोजनाः, शासनस्य मार्गनिर्देशानुसारम् आवश्यकाः सूचनाः लिखितरूपेण मौखिकरूपेण च प्राप्यन्ते। अपि च उपवेशनानां कार्यवाहीलेखनं, प्रतिवेदननिर्माणं तथा अन्येषां प्रशासनिककार्याणां सरलीकरणे, शीघ्रसम्पादने तथा समयबद्धनिष्पादने अयं मञ्चः सहायकः भविष्यति।
मुख्यविकासाधिकारी प्रखर कुमार सिंहः उक्तवान् यत् एषा पहलः ग्रामपञ्चायतीनां डिजिटलरूपेण सशक्तीकरणस्य दिशि महत्त्वपूर्णं पदम् अस्ति। अनेन ग्रामप्रधानानां, पञ्चायतसचिवानां तथा अन्येषां जनप्रतिनिधीनां कृते तकनीकीसहायता, शासकीययोजनानां सूचना च उपलब्धा भविष्यति तथा योजनानाम् प्रभावी कार्यान्वयने सुविधा भविष्यति।
जिलापञ्चायतराजाधिकारी आलोक कुमार सिन्हः उक्तवान् यत् पञ्चायतीषु आधुनिकप्रौद्योगिक्याः समावेशः कालस्य आवश्यकता अस्ति। एआई सचिव जी इत्यस्य माध्यमेन पञ्चायतप्रतिनिधिभ्यः त्वरितसूचना उपलब्धा भविष्यति, येन कार्येषु पारदर्शिता तथा गुणात्मकता उभे अपि वर्धिष्येते।
प्रधानसङ्घस्य जिलाध्यक्षः राकेश सिंहः अस्याः प्रारंभिकायाः स्वागतं कुर्वन् उक्तवान् यत् आधुनिकप्रौद्योगिक्याः उपयोगेन पञ्चायतीनां कार्यप्रणाली अधिकप्रभाविनी भविष्यति तथा ग्रामीणविकासाय नूतना गतिः प्राप्स्यते।
कार्यक्रमे फाउण्डेशनस्य मूलदलस्य सदस्यः विंग कमाण्डर जैनेंद्र कुमार पाठकः, वरिष्ठकार्यक्रमप्रबन्धकः बशारत्, वरिष्ठकार्यक्रमप्रबन्धकः सन्तोष सिंहः तथा कार्यक्रमप्रबन्धकः चन्द्रशेखरः एआई सचिव जी इत्यस्य उपयोगितायाः विषये प्रकाशं दत्तवन्तः। ते उक्तवन्तः यत् अयं मञ्चः पञ्चायतप्रतिनिधिभ्यः विविधशासकीययोजनानां, प्रशासनिकप्रक्रियाणां तथा अन्यासाम् आवश्यकसूचनानां प्रति त्वरितप्रवेशं प्रदास्यति।
कार्यक्रमस्य समये एआई सचिव जी इत्यस्य प्रत्यक्षप्रदर्शनम् अपि प्रस्तुतम्। तत्र दर्शितं यत् अयं मञ्चः पञ्चायतप्रतिनिधिभ्यः योजनासूचना, आवश्यकप्रपत्र निर्माणम्, उपवेशनानां कार्यवाहीलेखनम् तथा अन्येषु प्रशासनिककार्येषु तत्क्षणं सहायता प्रदास्यति। उपस्थितैः ग्रामप्रधानैः अधिकारिभिश्च एषः सरलः, उपयोगी तथा भविष्यस्य आवश्यकतानुरूपः इति कथितः।
कार्यक्रमस्य अध्यक्षतां फाउण्डेशनस्य वरिष्ठकार्यक्रमप्रबन्धकः सन्तोष सिंहः अकरोत्, यदा कार्यक्रमस्य सफलायोजनसमन्वययोः साक्षी सिंहस्य महत्त्वपूर्णा भूमिका आसीत्।
कार्यक्रमे स्थानीयग्रामप्रधानाः, प्रधानसङ्घस्य सर्वे ब्लॉकाध्यक्षाः, गांधी फेलो सदस्याः, फाउण्डेशनस्य दलस्य सदस्याः, बहुसंख्यकाः पञ्चायतप्रतिनिधयः तथा अधिकारिणः उपस्थिताः आसन्।
------------
Hindusthan Samachar / Dheeraj Maithani