गुवाहाटी, 23 जूनमासः (हि.स.)। असमस्य मुख्यमंत्री हिमंत बिस्व सरमा कार्बी आङ्गलोंग स्वायत्तपरिषदः केएएसी इत्यस्य पञ्चसप्ततितमस्थापनादिवसे प्रदेशवासिभ्यः विशेषतः कार्बी आङ्गलोंगक्षेत्रस्य जनभ्यः हार्दिकाः शुभकामनाः अभिनन्दनानि च प्रदत्तवान्।

मङ्गलवासरे सामाजिकमाध्यमेषु प्रसारिते स्वसन्देशे मुख्यमन्त्री उक्तवान् यत् परिषदः पञ्चसप्ततिवर्षात्मकः गौरवपूर्णः प्रवासः न्यायसमताजनसेवायाः आदर्शेषु आधारितः आसीत्। तेन आशा व्यक्तीकृता यत् विकासस्य जनकल्याणस्य च एषा यात्रा आगामिषु कालेषु अधिकं सशक्ता भविष्यति।

मुख्यमन्त्री उक्तवान् यत् कार्बी आङ्गलोंगस्य समृद्धा संस्कृति परम्पराः जनजातीयगौरवं च सर्वदा असमराज्यं अधिकं समृद्धं कृतवन्ति। तेन एषा उपलब्धिः क्षेत्रस्य जनानां विरासतस्य दृढतायाः आकाङ्क्षाणां च प्रतीकरूपेण वर्णिता।

डॉ सरमा परिषदः निरन्तरप्रगतेः तथा क्षेत्रस्य जनानां सुखसमृद्धेः कामनां कुर्वन् उक्तवान् यत् परिषद् भविष्ये अपि शान्तेः विकासस्य सर्वसमावेशकसशक्तीकरणस्य च प्रवर्धने महत्त्वपूर्णां भूमिकां निर्वक्ष्यति।

Hindusthan Samachar / Dheeraj Maithani