Enter your Email Address to subscribe to our newsletters
नैनीतालनगरम्, 23 जूनमास: (हि.स.)।
नगरस्य प्रतिष्ठिते विद्यालये बिडलाविद्यामन्दिरे नैनीताले आईपीएससी ताइक्वाण्डो च्याम्पियनशिप् २०२६ इत्यस्य भव्यः शुभारम्भः
नगरस्य प्रतिष्ठिते विद्यालये बिडला विद्या मन्दिरे नैनीताले सोमवासरात् आईपीएससी ताइक्वाण्डो च्याम्पियनशिप् २०२६ इत्यस्य भव्यः शुभारम्भः अभवत्। द्विदिवसीयायां प्रतियोगितायां देशस्य विविधभागेभ्यः आगताः प्रतिष्ठित-विद्यालयानां दलानि सहभागं कुर्वन्ति। अस्याः प्रतियोगितायाः उद्देश्यम् युवा क्रीडकानां स्वप्रतिभाप्रदर्शनाय तथा क्रीडाभावनायाः संवर्धनाय उपयुक्तमञ्चस्य प्रदानम् अस्ति।
प्रतियोगितायाः उद्घाटनं संवत्सरात् १९७० प्रभृति पावरलिफ्टिङ्गक्रीडया सम्बद्धेन तथा अनेकासु राष्ट्रियान्ताराष्ट्रिय-प्रतियोगितासु सफलतां प्राप्तवता अन्ताराष्ट्रिय-भारोत्तोलकेन भगवान् बंसलमहाभागेन कृतम्।
सः क्रीडकान् सम्बोधयन् क्रीडासु अनुशासनस्य, समर्पणस्य तथा निरन्तराभ्यासस्य महत्त्वे विशेषं बलम् अददात्। विद्यालयस्य प्रधानाचार्यः अनिल शर्मा प्रतिभागिनः क्रीडकान् स्वागतं कृत्वा उत्कृष्टप्रदर्शनाय तथा क्रीडाभावनया सह स्पर्धितुं तान् प्रेरितवान्।
प्रतियोगितायाः प्रथमदिने क्रीडकेषु विशेषः उत्साहः दृष्टिगोचरः अभवत्। आगामिषु स्पर्धासु विभिन्नवर्गेषु देशस्य विविधप्रदेशेभ्यः आगताः क्रीडकाः स्वप्रतिभां कौशलं च प्रदर्शयिष्यन्ति।
अस्मिन् अवसरे वित्तीयप्रबन्धकः संजय गुप्तः, मुखर्जी निर्वाणः, क्रीडाविभागस्य पृथ्वीराज सिंह किरौला, लीला सिंह बिष्टः तथा केदार सिंह गडिया, उपप्रधानाचार्यः राकेश मुलासी, हेडमास्टरः अजय शर्मा, जतिन ग्रोवरः, तुषार मिश्रः, आलोक अस्थानः तथा कुणाल जोशी इत्यादयः विद्यालयस्य शिक्षकाः विद्यार्थिनश्च उपस्थिताः आसन्।
Hindusthan Samachar / Dheeraj Maithani