Enter your Email Address to subscribe to our newsletters
खूंटी, 23 जूनमासः (हि.स.)।
भारतीय जनसंघस्य संस्थापकस्य प्रखरराष्ट्रवादीनेतुः डॉ. श्यामा प्रसाद मुखर्जी इत्यस्य शहीददिवसे मङ्गलवासरे मुरहू प्रखण्डान्तर्गतस्य कुञ्जलाग्रामे श्रद्धाञ्जलिसभायाः आयोजनं कृतम्। अस्मिन् अवसरे डॉ मुखर्जीस्य व्यक्तित्वं कृतित्वं च नमस्कृतम्। कार्यक्रमस्य अध्यक्षतां मुरहू मण्डलाध्यक्षः विजय राम गंझू अकरोत्। उपस्थितैः कार्यकर्तृभिः ग्रामवासिभिः च डॉ मुखर्जीस्य चित्रे पुष्पाणि समर्प्य श्रद्धाञ्जलिः अर्पिता तथा देशस्य एकतायाः अखण्डतायाः राष्ट्रहितस्य च कृते तस्य योगदानं स्मारितम्।
अवसरे भाजपा पूर्वजिलाध्यक्षः काशीनाथ महतो उक्तवान् यत् डॉ श्यामा प्रसाद मुखर्जी देशस्य एकतायाः अखण्डतायाः च कृते स्वसर्वस्वं समर्पितवान्। तस्य जीवनं देशभक्तेः त्यागस्य राष्ट्रसेवायाः च अनुपमम् उदाहरणम् अस्ति। तस्य विचाराः अद्यापि युवानः समाजं च राष्ट्रनिर्माणार्थं प्रेरयन्ति।
कार्यक्रमे मुख्यरूपेण काशीनाथ महतो, दानियाल भगत, दिलीप हीरो, सावन मुण्डा, मंगराह मुण्डा, बालमुकुन्द सिंह, सिकन्दर सिंह, विशुन तान्ती, जले महतो, लूरका महतो इत्यादयः अनेके कार्यकर्तारः ग्रामवासिनश्च उपस्थिताः आसन्।
---------------
Hindusthan Samachar / Dheeraj Maithani