Enter your Email Address to subscribe to our newsletters
खूण्टी, २३ जूनमासः (हि.स.)। जिला-विधिक-सेवा-प्राधिकरणेन (डीएलएसए), खूण्टी इत्यनेन मङ्गलवासरे व्यवहारन्यायालयपरिसरस्थिते सभागारे स्थायिलोकन्यायालयस्य सांविधिकप्रक्रिया, सुलहकारी-अधिदेशः तथा न्यायनिर्णयनशक्तयः इति विषयेषु कार्यशालाया आयोजनम् अभवत्। अयं कार्यक्रमः झारखण्डराज्यविधिक-सेवाप्राधिकरणस्य निर्देशानुसारं प्रधान-जनपद-सत्रन्यायाधीशेन सह-डीएलएसए-अध्यक्षः रसिकेशकुमारस्य मार्गदर्शने आयोजितः।
कार्यक्रमे स्थायिलोकन्यायालयस्य, खूण्टी, अध्यक्षः कौशलेशकुमारसिंहः मुख्यातिथिरूपेण उपस्थितः आसीत्। तेन सह स्थायिलोकन्यायालयस्य सदस्ये मधुचन्दाकुमार-रजकः तथा रूबीकुमारी, अग्रणी-जनपदप्रबन्धकः अजीतकुमारः, मुख्य-विधिक-सहायता-रक्षा-परामर्शदाता राजीवकमलः, सत्र-अधिवक्तारः, पैरा-लीगल-कार्यकर्तार: तथा विभिन्न-लोकोपयोगिता-सेवा-विभागानां प्रतिनिधयः अपि उपस्थिताः आसन्।
अस्मिन्नवसरे कौशलेशकुमारसिंहः विधिक-सेवा-प्राधिकरण-अधिनियमः, १९८७ इत्यस्य अन्तर्गतं लोकोपयोगिता-सेवाभिः सम्बद्धानां वादपूर्वप्रकरणानां निस्तारणप्रक्रियाम् तथा स्थायिलोक-न्यायालयस्य भूमिकां विस्तरेण अवगतवान्। सः विवादानां सौहार्दपूर्ण-समाधाने सर्वेभ्यः हितधारकेभ्यः सक्रिय-सहयोगस्य आह्वानम् अकरोत्।
डीएलएसए-सचिवः तथा सिविल-न्यायाधीशः कमलेशबेहरा स्थायि-लोकन्यायालयस्य सांविधिक-रचनायाः, सुलहकारी-अधिदेशस्य तथा न्यायनिर्णयन-शक्तीनां विषये प्रकाशं दत्त्वा अवदत् यत् एतत् मञ्चं लोकोपयोगिता-सेवाभिः सम्बद्धानां विवादानां निःशुल्कसमाधानस्य प्रभावी माध्यमम् अस्ति। तेन स्पष्टीकृतं यत् नियमित-लोकन्यायालयः केवलं समाधानं कारयति, परन्तु स्थायिलोकन्यायालयाय समाधानस्य विफलतायां विवादस्य गुणदोषाधारेण निर्णयं दातुमपि अधिकारः विद्यते। तस्य निर्णयाः अन्तिमाः भवन्ति तथा पक्षकारेषु बाध्यकारिणः अपि भवन्ति।
एलडीएम अजीतकुमारः एनपीए-लेखानां, धनागार-प्रक्रियाणां तथा परिसीमा-कालस्य विषये सूचनाम् अददात् तथा लम्बमानप्रकरणानां शीघ्रनिस्तारणे पूर्ण-सहयोगस्य आश्वासनम् अयच्छत्।
Hindusthan Samachar / Divya Ranjan