- फिट इंडिया अभियानस्यान्तर्गते तिरुवनंतपुरे ‘समुद्र तट साइकिल यात्रायां’ सम्मिलितः केंद्रीय मंत्री

तिरुवनंतपुरम् (केरलम्), 23 जूनमासः (हि.स.)।

केन्द्रीययुवाकार्यक्रमक्रीडामन्त्री डॉ मनसुखमाण्डवियः अवदत् यत् भारतस्य विकसितराष्ट्ररूपेण निर्माणदिशि साइकिलयानचालनस्य महत्त्वपूर्णा भूमिका अस्ति। सः एतां बातां फिटइण्डियाअभियानस्य अन्तर्गतं आयोजितायां समुद्रतटसाइकिलयात्रायां सहभागं कुर्वन् उक्तवान्।

एषा साइकिलयात्रा तिरुवनन्तपुरे चक्काऔद्योगिकप्रशिक्षणसंस्थानात् शङ्गुमुखमसमुद्रतटपर्यन्तम् आयोजिता।

साइकिलयात्रातः पूर्वम् आयोजितं कार्यक्रमम् सम्बोधयन् डॉ मनसुखमाण्डवियः अवदत् यत् स्वस्थनागरिकैरेव स्वस्थराष्ट्रस्य निर्माणं सम्भवति तथा च साइकिलयानचालनं स्वस्थजीवनशैल्याः अवलम्बनस्य प्रभावी माध्यमम् अस्ति।

तेन उक्तं यत् साइकिलयानचालनेन केवलं स्वास्थ्यलाभः न भवति, अपितु तेन प्रदूषणस्य न्यूनीकरणे, यातायातदाबस्य अपकर्षणे, इन्धनस्य बचतेः च साहाय्यं भवति। तेन जनाः साइकिलयानं स्वस्य दैनिकजीवनस्य अङ्गरूपेण स्वीकर्तुम् आहूताः।

केन्द्रीयमन्त्रिणा रविवासरे साइकिल इति पहलस्य उल्लेखः कृतः। तेन उक्तं यत् अयं कार्यक्रमः आरम्भे केवलं द्विशतस्थानेषु आयोजितः भवति स्म, किन्तु अधुना तस्य विस्तारः दशसहस्रस्थानेषु जातः अस्ति तथा च अस्मिन् प्रायः द्विलक्षजनाः सहभागं कुर्वन्ति। तेन अस्य अभियानस्य सह सम्बद्धानां बालकानां युवानां च प्रशंसा अपि कृता।

डॉ मनसुखमाण्डवियः यात्रायाम् आशाकार्यकर्तृभिः, कुदुम्बश्रीसमूहानां महिलाभिः, भारतीयक्रीडाप्राधिकरणस्य क्रीडकैः तथा च साइकिलप्रेमिभिः सह सहभागं कृतवान्। अस्मिन् अवसरे तिरुवनन्तपुरस्य महापौरः वी वी राजेशः अपि उपस्थितः आसीत्।

प्रायः द्विशतप्रतिभागियुक्तां एतां यात्रां विधायकः वी मुरलीधरनः तथा पी आर श्रीजेशः हरितध्वजं प्रदर्श्य प्रस्थितवान्तौ। यात्रातः पूर्वं प्रतिभागिनां कृते जुम्बासत्रम् अपि आयोजितम्।

अस्याः प्रयत्नस्य उद्देश्यं प्रधानमन्त्रीणः फिटइण्डियाअभियानम् अग्रे नेतुं जनान् साइकिलयानचालनेन अन्याभिः शारीरिकक्रियाभिश्च सक्रियस्वस्थजीवनशैलीम् अवलम्बितुं प्रेरयितुम् आसीत्।

---------------

Hindusthan Samachar / Dheeraj Maithani