धमतरीनगरम्, जूनमासस्य २४ दिनाङ्कः (हि.स.)। आपत्कालस्य पञ्चाशत्तम्याः वर्षग्रन्थे: अवसरे बुधवासरे जनपद-भाजपा-कार्यालये गोविन्दसारङ्ग-भवने पत्रकारसम्मेलनम् आयोजितम्। अस्मिन् सम्मेलने मुख्यवक्तृतया उपस्थितः भाजपा-प्रदेश-कार्यालयमन्त्री अशोकबजाजः आपत्कालं भारतीय-लोकतन्त्रस्य इतिहासे अत्यन्तं कृष्ण: अध्याय: इति अवदत्। सः उक्तवान् यत् नूतनवंशं तस्मिन् काले विद्यमानाभिः वास्तविकताभिः लोकतन्त्रसेनानीनां संघर्षेण च अवगतां कर्तुम् अत्यावश्यकम् अस्ति।

तेन उक्तं यत् १९७५ तमे वर्षे देशे आपत्काले प्रवर्तिते नागरिकाणां मौलिकाधिकाराः निलम्बिताः, अभिव्यक्तेः स्वतन्त्रता प्रभाविताभवत्, समाचारपत्रेषु च सेन्सर-नियन्त्रणम् आरोपितम्। तस्मिन् काले लोकनायकः जयप्रकाशनारायणः, अटलबिहारीवाजपेयी, लालकृष्णआडवाणी, मोरारजीदेसाई, जार्जफर्नाण्डिसः, नानाजीदेशमुखः इत्यादयः सहस्रशः विपक्ष-नेतारः सामाजिककार्यकर्तारश्च गृहीत्वा कारागारेषु निरुद्धाः आसन्। बजाजः अवदत् यत् धमतरी-सहिते समग्रे देशे लोकतन्त्रसेनानिनः महान् संघर्षम् अकुर्वन्, यस्य परिणामस्वरूपं लोकतन्त्रस्य पुनःस्थापना सम्भवा अभवत्।

सः पुनरुक्तवान् यत् जूनमासस्य २५ दिनाङ्कः संविधान-हत्या-दिवसः इति रूपेण आचर्यते, यस्य उद्देश्यं नूतनपीढीं लोकतन्त्रस्य संविधानस्य च रक्षणे जागरूकां कर्तुम् अस्ति। प्रदेश-कार्यसमिति-सदस्यः पण्डितराजेशशर्मा अवदत् यत् आपत्कालः भारतीय-लोकतन्त्रस्य कृते संचेतनास्वरूपः अस्ति। लोकतन्त्रं स्वयमेव सुरक्षितं न तिष्ठति, अपितु तस्य रक्षणार्थं निरन्तरं जागरूकता संघर्षश्च अपेक्षितौ स्तः। लोकतन्त्रसेनानीनां योगदानं राष्ट्रं सर्वदा स्मरिष्यति।

अस्मिन्नवसरे जनपद-महामन्त्री राकेशसाहू, जनपद-माध्यम-प्रभारी उमेशसाहू, जनपद-कार्यालय-मन्त्री विजयसाहू तथा भोथली-मण्डल-महामन्त्री आनन्दमेश्रामः प्रमुखरूपेण उपस्थिताः आसन्।

Hindusthan Samachar / Divya Ranjan