नवदेहली, २४ जूनमासः (हि.स.)। केन्द्रीय-गृह-सहकारिता-मन्त्री अमितशाहः शुक्रवासरे, २६ जून-दिनाङ्के अत्र विज्ञानभवने नार्को-कोऑर्डिनेशन-सेन्टर-इत्यस्य दशम्याः उच्चस्तरीय-सभायाः अध्यक्षतां करिष्यति। नार्कोटिक्स-कण्ट्रोल-ब्यूरो-संस्थया आयोजितायां अस्यां सभायां देशं नशामुक्तं कर्तुं लक्ष्यं प्रति विभिन्न-मन्त्रालयानां, राज्य-सर्वकाराणां तथा विधि-प्रवर्तन-अभिकरणानां प्रयत्नानां समीक्षा भविष्यति।

गृहमन्त्रालयेन बुधवासरे सूचितं यत् अस्यां सभायाम् अमितशाहः ‘मादकपदार्थ-नियन्त्रण-विजन-तथ्यम् (२०२६–२०२९)’ तथा एनसीबी-वार्षिक-प्रतिवेदनम्–२०२५ विमोचयिष्यति। व्यापक-विमर्शानन्तरं सिद्धः अयं विजन-तथ्यं मादकपदार्थानां मागध-न्यूनता, आपूर्तेः नियन्त्रणम् तथा नशाजन्य-हानेः न्यूनीकरणाय अग्रिम-त्रिवर्षीय-सामूहिक-कार्ययोजनां प्रस्तोष्यति।

अस्मिन् तथ्ये कृत्रिम-मादकपदार्थानाम्, डार्कनेट-माध्यमेन भवत्याः तस्कर्याः, यूनां नशात् दूरस्थापनस्य, उपचार-पुनर्वास-केन्द्राणां विस्तारस्य तथा विभिन्न-अभिकरणानां मध्ये उत्तम-समन्वयस्य विषयेषु विशेषं बलं दत्तम् अस्ति। सर्वकारेण उक्तं यत् एतत् तथ्यं प्रधानमन्त्री-नरेन्द्रमोदिनः ‘नशामुक्तभारत’ इति सङ्कल्पस्य साकारीकरणाय मार्गदर्शक-रूपेण कार्यं करिष्यति।

गृहमन्त्री अस्मिन् अवसरे अन्तर्जाल-ड्रग-डिस्पोजल-फोर्टनाइट-अभियानस्य अपि शुभारम्भं करिष्यति। अस्य विशेष-अभियानस्य अन्तर्गतं देशव्यापि विभिन्नैः केन्द्रीय-राज्य-अभिकरणैः प्रायः २,०९,५०० किलोग्राम-परिमिताः मादकपदार्थाः विनाशिताः भविष्यन्ति, येषां अनुमानिता मूल्यराशिः ६,००० कोटि-रूप्यकाणि अस्ति। एतदतिरिक्तम् अमितशाहः जम्मूनगरे तथा गुवाहाटीनगरे नवनिर्मितयोः एनसीबी-क्षेत्रीय-कार्यालययोः अपि उद्घाटनं करिष्यति।

अस्यां सभायां ४४ केन्द्रीय-मन्त्रालयानां विभागानां च प्रतिनिधिभिः सह राज्य-सर्वकाराणां तथा मादकपदार्थ-विधि-प्रवर्तन-अभिकरणानां १०८ प्रतिनिधयः प्रत्यक्षतया आभासीय-माध्यमेन च सहभागित्वं करिष्यन्ति। सभायाम् आगामिषु त्रिषु वर्षेषु मादकपदार्थ-तस्कर्याः तथा नशासम्बद्ध-समस्यायाः प्रभावी-निवारणाय कार्यनीतेः विषये विस्तृतः विचार-विमर्शः भविष्यति।

Hindusthan Samachar / Divya Ranjan