Enter your Email Address to subscribe to our newsletters
पटना, 24 जूनमासः (हि.स.)। पूर्वकेन्द्रीयमन्त्री तथा बांकाक्षेत्रस्य पूर्वसांसदः दिग्विजयसिंहस्य षोडशतमपुण्यतिथ्याः अवसरे मङ्गलवासरे जमूईजनपदस्य नयाग्रामस्थिते नागी नकटी कटहरा नद्यातटे निर्मिते तस्य समाधिस्थले श्रद्धाञ्जलिसभायाः आयोजनं कृतम्। अस्मिन् अवसरे बिहारस्य उपमुख्यमन्त्री सम्राटचौधरी श्रद्धासुमनानि समर्प्य तस्मै भावपूर्णां श्रद्धाञ्जलिम् अर्पितवान् तथा तस्य सार्वजनिकजीवनं जनसेवा विकासकार्याणि च स्मृतवान्।
श्रद्धाञ्जलिसभायां बहुसंख्यया जनप्रतिनिधयः राजनैतिककार्यकर्तारः स्थानीयनागरिकाश्च सहभागिनः अभवन्। उपस्थितजनाः दिग्विजयसिंहस्य राजनैतिकयोगदानं सामाजिकप्रतिबद्धतां क्षेत्रविकासाय कृतकार्याणि च स्मरन्तः श्रद्धया तस्मै नमनम् अकुर्वन्। वक्तारः अवदन् यत् दिग्विजयसिंहः स्वराजनैतिकजीवने जनसमस्याः प्राथमिकतया स्वीकृत्य विकासकेन्द्रितं कार्यं कृतवान्। तेन स्थापिताः आदर्शाः अद्यापि जनप्रतिनिधीन् कार्यकर्तॄन् च प्रेरयन्ति।
अस्मिन् अवसरे स्वर्गीयदिग्विजयसिंहस्य धर्मपत्नी तथा पूर्वसांसदा पुतुलकुमारी तस्याः सुपुत्री बिहारसर्वकारस्य उद्योगक्रीडामन्त्री श्रेयसीसिंह च उपस्थिते आस्ताम्। उभाभ्यामपि श्रद्धाञ्जलिः समर्पिता तथा दिग्विजयसिंहस्य व्यक्तित्वं कृतित्वं च स्मृत्वा तेन प्रदर्शितमार्गे चलितुं पुनः सङ्कल्पः व्यक्तः।
कार्यक्रमे बिहारसर्वकारस्य अनेकाः मन्त्रिणः जनप्रतिनिधयश्च अपि सहभागी अभवन्। तेषु उपमुख्यमन्त्री विजयकुमारचौधरी, भवननिर्माणमन्त्री लेशीसिंह, स्वास्थ्य मन्त्री निशान्तकुमार, लोकस्वास्थ्यअभियन्त्रणमन्त्री संजयकुमारसिंह, परिवहनमन्त्री दामोदररावत, जमूईक्षेत्रस्य सांसदः अरुणभारती, पूर्वमन्त्री सुमितकुमारसिंह इत्यादयः अनेके विधायकाः विधानपरिषदः सदस्याः अन्ये जनप्रतिनिधयश्च उपस्थिताः आसन्।
श्रद्धाञ्जलिसभायाः समये विविधसामाजिकराजनैतिकसङ्गठनानां प्रतिनिधिभिरपि दिग्विजयसिंहस्य चित्रे पुष्पाञ्जलिः समर्पिता। सम्पूर्णः कार्यक्रमः श्रद्धया सम्मानभावेन च परिपूर्णः आसीत्। बहुसंख्यया समागताः जनाः तस्य योगदानं स्मरन्तः अवदन् यत् दिग्विजयसिंहः स्वराजनैतिकजीवने विकासं सामाजिकसमरसतां जनकल्याणं च सर्वोच्चप्राथमिकतया स्वीकृतवान्।
उल्लेखनीयम् अस्ति यत् दिग्विजयसिंहः बिहारराजनीत्यां प्रभावशाली नेता आसीत्। तेन सांसदरूपेण केन्द्रीयमन्त्रिरूपेण च विविधदायित्वानि निर्वह्य क्षेत्रीयविकासस्य जनहितसम्बद्धविषयाणां च राष्ट्रियस्तरे प्रभावी प्रस्तुतीकरणं कृतम्। तस्य पुण्यतिथौ आयोजिता एषा श्रद्धाञ्जलिसभा तस्मिन् प्रति जनानां समर्थकानां च अटुटश्रद्धायाः सम्मानस्य च प्रतीकरूपेण अभवत्।----------------
Hindusthan Samachar / Dheeraj Maithani