श्रीनगरम्, 24 जूनमासः (हि.स.)।

शियाधर्मगुरुः मसरूरअब्बासअन्सारी बुधवासरे श्रीनगरे आयोजितं अष्टममुहर्रमशोभायात्रां मानवतायाः सन्देशवाहिका इति निरूपितवान्। पञ्चत्रिंशद्वर्षाणां अनन्तरं एतस्याः शोभायात्रायाः आयोजनाय अनुमतिं प्रदाय प्रशासनस्य प्रति सः कृतज्ञतां प्रकटितवान् तथा आशूराशोभायात्रायाः कृते अपि अनुमतिः प्राप्स्यते इति आशां व्यक्तवान्।

अन्सारी माध्यमप्रतिनिधिभ्यः अवदत् यत् अभिगुदरतः आरभ्य डलगेटपर्यन्तं गच्छन्त्याः अष्टममुहर्रमशोभायात्रायाः ऐतिहासिकं महत्त्वम् अस्ति। धर्मगुरुणा उक्तं यत् एषा शोभायात्रा त्रिदशकाधिककालात् प्रतिबन्धिता आसीत्। तेन उक्तं यत् स्थानीयप्रशासनेन अस्मभ्यं एषा शोभायात्रा निष्कासयितुं अनुमतिः प्रदत्ता। वयं तेषां प्रति कृतज्ञाः स्मः।

अन्सारी उक्तवान् यत् एषा शोभायात्रा एकता, शान्तिः, सुरक्षा, मानवता च इत्येषां मूल्यानां सन्देशं प्रसारयति। सः अग्रे उक्तवान् यत् इमामहुसैनः येन उद्देशेन कर्बलां गतवान् सः उद्देश्यः मानवतायाः समाजस्य च कल्याणाय आसीत्। तस्य लक्ष्यं अत्याचारस्य विरोधः अधिकाररक्षणं च आसीत्।

इमामहुसैनस्य सन्देशस्य सार्वभौमिकस्वरूपं प्रतिपादयन् अन्सारी अवदत् यत् इमामहुसैनः केवलं शियासमुदायस्य मुसलमानानां वा कृते शहीदः नास्ति, अपितु सम्पूर्णमानवजात्याः कृते शहीदः अस्ति। तस्य सन्देशः सर्वेभ्यः जनानां कृते अस्ति।

दशममुहर्रमशोभायात्रायाः सन्दर्भे अन्सारी प्रशासनं साहसिकं निर्णयं स्वीकर्तुम् आहूतवान्। तेन उक्तं यत् पञ्चत्रिंशद्वर्षपर्यन्तं नौकरशाहीनां दबावकारणात् विभिन्नाः सरकाराः एतादृशं निर्णयं कर्तुं न अशक्नुवन्। अस्मिन् प्रशासने साहसं शक्तिः च विद्यते।

सः प्रशासनं प्रार्थितवान् यत् आशूराशोभायात्रा स्वस्य पारम्परिकमार्गेण गत्वा ज़ादिबलप्रदेशे समापयितुं अनुमतिः प्रदीयताम्। तेन उक्तं यत् एतेन संवैधानिकधार्मिकस्वातन्त्र्यस्य शान्तिपूर्णेन अनुशासितेन च प्रकारेण पालनं सम्भवं भविष्यति।

---------------

Hindusthan Samachar / Dheeraj Maithani