नवदिल्ली, 24जूनमासः हाकी इण्डिया इत्यनेन बुधवासरे, 5जुलाईतः 14 पर्यन्तं युनैटेड् किङ्ग्डम्-देशस्य भ्रमणार्थं 24 सदस्याः भारतीय-कनिष्ठ-महिला-हाकी-दलस्य घोषणा कृता। नूतनस्य मुख्यप्रशिक्षकस्य टिम् वैट् इत्यस्य नेतृत्वे स्काट्लैण्ड्-इङ्ग्लैण्ड्-देशयोः आहत्य सप्त स्पर्धाः क्रीडन्ति। आगामि-अन्ताराष्ट्रिय-प्रतियोगितानां, विशेषतः कनिष्ठ-एशिया-कप्-क्रीडायाः सज्जतायां अयं प्रवासः महत्त्वपूर्णः इति मन्यते।

दलस्य नायकत्वं खैदेम् शिलैमा चानू इत्यस्मै दत्तम् अस्ति। निधि, एङ्गिल् हर्षा रानी मिन्ज् च गोल्कीपर् रूपेण दले समाविष्टाः सन्ति।

एडिनबर्ग्-विश्वविद्यालये स्काट्लैण्ड्-देशस्य वरिष्ठ-महिला-दलस्य विरुद्धं द्वयोः स्पर्धयोः सह प्रवासस्य आरम्भः भविष्यति। ततः भारतीयदलम् अमेरिकादेशस्य, इङ्ग्लेण्ड्-देशस्य, बेल्जियम्-देशस्य च कनिष्ठदलैः सह लिल्लशाल्-राष्ट्रिय-क्रीडा-केन्द्रे स्पर्धां क्रीडितुम् अर्हति।

दल-चयनस्य प्रवासस्य च महत्त्वस्य विषये मुख्यप्रशिक्षकः टिम् वैट् अवदत् यत्, यू. के.-प्रवासः अस्माकं कनिष्ठदलस्य विकासस्य प्रक्रियायाः महत्त्वपूर्णः भागः अस्ति। वयं बहूनां क्रीडकानां चयनम् अकुर्वन् ये विदेशीय-दलानां विरुद्धं क्रीडितुम् अनुभवान् न धारयन्ति। एतादृशे स्थितौ, एषः प्रवासः क्रीडालूनां सम्पूर्णदलस्य च कृते महतः शिक्षायाः अवसरः भविष्यति इति

अस्माभिः प्रबलैः प्रतिस्पर्धात्मकैः च दलैः सह क्रीडितुम् अवसरः प्राप्स्यामः। वयं गतदशसप्ताहाः यावत् यत् प्रकारेण क्रीडायाः कृते कार्यम् अकुर्वन्, तत् प्रकारेण क्रीडाङ्गणे प्रवर्तयितुं प्रयतामः। इदं पर्यटनं कनिष्ठ-एशिया-कप्-क्रीडायाः सज्जतायां अत्यन्तं उपयोगी भविष्यति इति मम दृढविश्वासः अस्ति, तथा च अस्माभिः स्वशक्तेः क्षेत्राणां च उत्तमं मूल्याङ्कनं कर्तुं शक्नुयात् यत्र सुधारः आवश्यकः अस्ति इति

भारतीय-कनिष्ठ-महिला-दलः

गोल्कीपर्-निधि, अङ्गिल् हर्षा रानी मिन्जः च ।

रक्षकाः-पूजा साहु, सुप्रिया, मधु, एफ्. लाल्बी अक्सियामी, लाल्नेहपुयी, पार्वती टोप्नो।

मिडफील्ड्-क्रीडकाः खैदेम् शिलैमा चानु (नायकः), तनुजा टोप्पो, सुप्रिया कुजुर्, पूजा मलिक्, बिनिमा धन्, गीता यादव्, रोशनी ऐन्द्, तनुश्री दिनेशः काडु।

अग्रगामिः सुखवीरकौरः, शशि खासा, लालरिन्पुयी, निशा मिन्ज्, पूर्णिमा यादवः, काजल, सानिका चन्द्रकान्त माने, कृष्णशर्मा च इत्येते।

--------

Hindusthan Samachar / Dheeraj Maithani