भोपालनगरम्, २४ जूनमासः (हि.स.)। मध्यप्रदेशस्य राज्यवित्तायोगः अद्य भोपालसम्भागस्य प्रवासे भविष्यति। आयोगः नगरीयनिकायानां तथा पञ्चायतीराजसंस्थानां वित्तीयस्थितेः, पारदर्शितायाः, कार्यगुणवत्तायाः तथा आर्थिकस्वावलम्बनस्य सम्बन्धे भोपालस्य सांसदेन, विधायकैः, उभय-विधनिकाययोः जनप्रतिनिधिभिः तथा सम्भागीयाधिकारिभ्यः विचारान् ग्रहीष्यति।

आयोगस्य अध्यक्षः जयभानसिंहपवैया, सदस्यः के.के.सिंह:, पदेनसदस्यः ऋषिगर्गः तथा सदस्यसचिवः वीरेन्द्रकुमारः सम्भागस्य जनप्रतिनिधिभिः सह सभां करिष्यन्ति। अस्यां सभायां नगरीय-निकायानां तथा पञ्चायती-राजसंस्थानां वित्तीयदृष्ट्या सुदृढीकरणाय, पारदर्शिता-वर्धनाय तथा आत्मनिर्भरता-सम्पादनाय उपायेषु चर्चा भविष्यति।

आयोगः भोपालसम्भागस्य आयुक्तेन, सम्भागान्तर्गतजनपदानां समाहर्तृभिः, मुख्यकार्यपालनाधिकारिभिः जनपद-पञ्चायतानाम्, नगरनिगमायुक्तैः तथा अन्यैः वरिष्ठाधिकारिभिः सह सभां कृत्वा नगरीयनिकायानां पञ्चायतीराजसंस्थानां च वित्तीयस्थितेः विस्तृतसमीक्षां करिष्यति।

जनसम्पर्काधिकारी राजेशपाण्डेयः अवदत् यत् सभायां निकायानां मूलदायित्वेषु, स्वच्छतायाम्, पेयजलव्यवस्थायाम्, विकासकार्याणां गुणवत्तायाम् तथा स्वकीय-राजस्वस्रोतसां वृद्ध्युपायेषु विचारविमर्शः भविष्यति। तदतिरिक्तं नगरीयक्षेत्रेषु पञ्चायतिक्षेत्रेषु च सम्भावित-नवाचारेष्वपि चर्चा भविष्यति। जनप्रतिनिधिभिः सह व्ही.आई.पी. सर्किट-हाउस इत्यत्र मध्याह्ने द्वादशवादनात् एकवादनपर्यन्तं विचारात्मकसभानन्तरम् अपराह्णे त्रिवादने सम्भागायुक्तकार्यालये अधिकारिभिः सह वृहती समीक्षात्मकसभा भविष्यति।

Hindusthan Samachar / Divya Ranjan