शिमला, 24 जूनमासः (हि.स.)।

पूर्वमुख्यमन्त्री तथा पूर्वकेन्द्रीयमन्त्री शान्ताकुमारः उक्तवान् यत् हिमाचलप्रदेशः देशस्य औषधोद्योगे महत्त्वपूर्णां भूमिकां निर्वहति। तेन उक्तं यत् देशे उत्पाद्यमानानां औषधानां प्रायः चत्वारिंशत्प्रतिशतं उत्पादनं हिमाचलप्रदेशे भवति, येन लक्षशः जनाः प्रत्यक्षतया परोक्षतया च रोजगारं प्राप्तवन्तः।

शान्ताकुमारः बुधवासरे प्रदत्ते वक्तव्ये चिन्तां प्रकटयन् अवदत् यत् एकतः अस्य महत्त्वपूर्णस्य उद्योगस्य विस्तारस्य अपेक्षा वर्तते, अपरतः हिमाचलप्रदेशे निर्मितानां औषधानां नमूनानि गुणवत्तापरीक्षणे असफलानि भवन्ति इति वार्ताः निरन्तरं प्रकाशं प्राप्नुवन्ति। तेन एषा स्थितिः अत्यन्तं गम्भीरा दुर्भाग्यपूर्णा च इति वर्णिता।

तेन उक्तं यत् कस्यापि वस्तुनः मिलावट अपराधः भवति, किन्तु रोगिणां चिकित्सायै प्रयुज्यमानेषु औषधेषु मिलावटः गुणवत्ताह्रासः वा तस्मादपि अधिकः गम्भीरः अपराधः अस्ति। तेन प्रदेशसर्वकारात् अस्य विषयस्य सविस्तरं परीक्षणं कृत्वा दोषिभ्यः संस्थाभ्यः विरुद्धं कठोरकार्यवाहीकरणस्य मागणी कृता।

शान्ताकुमारः अवदत् यत् राज्यस्य औषधनियन्त्रकः डॉ. मुनीशकपूरः गुणवत्तापरीक्षणे असफलानां नमूनानां उत्पादकसंस्थानां विरुद्धं कार्यवाहीं करिष्यामि इति आश्वासनं दत्तवान्। तेन सूचितं यत् गतपञ्चमासेषु हिमाचलप्रदेशस्य द्विशतचतुःषष्ट्यधिकद्विशतानि अर्थात् २६४ औषधानां नमूनानि गुणवत्तापरीक्षणे असफलानि जातानि।

तेन औषधनियन्त्रकं प्रति एषोऽपि आग्रहः कृतः यत् गतवर्षे येषां शतशः औषधानां नमूनानि असफलानि अभवन्, तेषां प्रकरणेषु सम्बन्धितसंस्थानां विरुद्धं का कार्यवाही कृता इति सूचना अपि जनसामान्यस्य पुरतः प्रस्तूयताम्।

तेन उक्तं यत् रोगिणां स्वास्थ्येन सह क्रीडा क्रियते इत्यस्मात् अधिकं दुर्भाग्यं किम् अस्ति। प्रतिवर्षं औषधानां नमूनानां असफलतासम्बद्धाः वार्ताः प्रकाशं प्राप्नुवन्ति, किन्तु दोषिसंस्थानां विरुद्धं कृतायाः कठोरकार्यवाह्याः सूचना विरलेव सार्वजनिकतां प्राप्नोति।

शान्ताकुमारः आरोपितवान् यत् एतादृशेषु प्रकरणेषु प्रभावीकार्यवाह्याः अभावः शासनप्रशासनयोः उत्तरदायित्वस्य विषये गम्भीरान् प्रश्नान् उत्पद्यते। तेन उक्तं यत् औषधोद्योगस्य विश्वसनीयता रक्षितुं जनस्वास्थ्यस्य संरक्षणाय च सर्वकारेण कठोराणि पारदर्शीनि च उपायानि स्वीकरणीयानि।

---------------

Hindusthan Samachar / Dheeraj Maithani