Enter your Email Address to subscribe to our newsletters
रायपुरम्, 25 जूनमासः (हि.स.)।
छत्तीसगढराज्यस्य मुख्यमन्त्री विष्णुदेवसायः संविधानहत्यादिवसस्य अवसरे गुरुवासरे सामाजिकमाध्यमे चलचित्रसन्देशं प्रकाशितवान्। तस्मिन् सः पञ्चविंशतितमं जूनमासस्य दिनं वर्षे १९७५ भारतीयलोकतन्त्रस्य इतिहासे कृष्णदिवसः इति निरूपितवान्।
मुख्यमन्त्री सायः तदानीन्तनायाः इन्दिरागान्धीसर्वकारस्य उपरि देशे आपत्कालस्य आरोपणस्य आरोपम् अकरोत्। तेन स्वप्रकाशितसन्देशे लिखितं यत् सत्तायाः अहङ्कारेण संविधानस्य आत्मा पददलिता अभवत्। मीसाविधानस्य अन्तर्गतं सहस्रशः लोकतन्त्रसेनानिनः पत्रकाराश्च कारागारं प्रेषिताः।
तेन उक्तं यत् पञ्चविंशतितमः जूनमासस्य दिवसः लोकतन्त्रस्य कृष्णदिवसः अस्ति। वयं सर्वे मिलित्वा अस्मिन् दिने संविधानस्य रक्षणार्थं दृढसङ्कल्पं कुर्मः। एतेन सह मुख्यमन्त्री प्रधानमन्त्री नरेन्द्रमोदिना पञ्चविंशतितमः जूनमासस्य दिवसः संविधानहत्यादिवसः इति घोषितस्य निर्णयस्य स्वागतं कृतवान्।
---------------