पटनानगरम्, जूनमासस्य २५ दिनाङ्कः (हि.स.)। केन्द्रीय-स्वास्थ्य-परिवारकल्याण-मन्त्री जगत्प्रकाश-नड्डा गुरुवासरे पटना-संस्थात्रस्थिते प्रसिद्धे महावीरमन्दिरे प्रार्थनाम् अकरोत्। तेन सह बिहारस्य उपमुख्यमन्त्री सम्राट् चौधरी तथा केन्द्रीयमन्त्री गिरिराजसिंहः अपि उपस्थितौ आस्ताम्।

मन्दिरे प्रार्थनां कुर्वन्तः नेतारः सङ्कटमोचनं भगवन्तं हनूमन्तं प्रणम्य देशस्य बिहारस्य च सुख-समृद्धि-शान्ति-विकास-जनकल्याणानां कामनाम् अकुर्वन्। श्रीनड्डा राज्यस्य निरन्तरप्रगतिं सामाजिकसौहार्दं नागरिकाणां उज्ज्वलं भविष्यं च प्रार्थितवान्।

अस्मिनवसरे मन्दिरपरिसरे भक्तानां मध्ये विशेषोत्साहः दृष्टः। प्रार्थनानन्तरं नेतारः भगवानः हनूमतः आशीर्वादं गृहीत्वा राष्ट्रसेवायै जनकल्याणाय च स्वस्य प्रतिबद्धतां पुनः प्रतिपादितवन्तः।

उपमुख्यमन्त्री सम्राट् चौधरी तथा केन्द्रीयमन्त्री गिरिराजसिंहः अपि बिहारस्य प्रगतिं विकासं समृद्धिं च प्रार्थितवन्तौ। ताभ्यां उक्तं यत् राज्यस्य सर्वाङ्गीण-विकासाय जनकल्याणाय च निरन्तरं प्रयत्नाः क्रियन्ते तथा समाजे शान्तेः सौहार्दस्य च स्थापनाय सर्वेषां सामूहिकं दायित्वम् अस्ति।

पटना-जङ्क्शनस्थितं महावीरमन्दिरं देशस्य प्रमुखेषु हनुमन्मन्दिरेषु अन्यतमम् इति मन्यते। प्रतिदिनं बहुसंख्यकाः भक्ताः अत्र दर्शनार्थम् आगच्छन्ति। विशेषावसरेषु देशस्य राज्यस्य च अनेकाः प्रमुखजन-प्रतिनिधयः विशिष्टव्यक्तयश्च अत्र प्रार्थनां कर्तुम् आगच्छन्ति।

Hindusthan Samachar / Divya Ranjan