Enter your Email Address to subscribe to our newsletters
भुवनेश्वरनगरम्, २६ जूनमासः (हि.स.)। ओडिशा-राज्यस्य राज्यपालः हरि-बाबू-कम्भमपटिः महान् साहित्यकारः ‘वन्दे मातरम्’-गीतस्य रचयिता च बङ्किमचन्द्र-चट्टोपाध्यायस्य जयन्त्यां तस्मै भावपूर्णां श्रद्धाञ्जलिम् अर्पितवान्। तेन देशस्य साहित्यिक-राष्ट्रवादी-परम्परायां बङ्किमचन्द्रस्य अमूल्यं योगदानं स्मारितम्।
सामाजिक-माध्यमे प्रकाशिते स्वसन्देशे राज्यपालः बङ्किमचन्द्र-चट्टोपाध्यायं भारतीय-साहित्यस्य महान् स्तम्भः इति वर्णयन् उक्तवान् यत् तस्य अमरकृतिः ‘वन्दे मातरम्’ देशवासिषु राष्ट्रभक्तेः राष्ट्रीय-चेतनायाश्च सञ्चारं कृतवती तथा च भारतीय-स्वातन्त्र्य-आन्दोलनाय नूतनाम् ऊर्जां प्रदत्तवती।
राज्यपालेन स्वसन्देशे उक्तम्— बङ्किमचन्द्र-चट्टोपाध्यायस्य जयन्त्यां तस्मै विनम्रां श्रद्धाञ्जलिम् अर्पयामि। भारतीय-साहित्यस्य महान् पुरोधाः तथा ‘वन्दे मातरम्’-गीतस्य रचयिता बङ्किमचन्द्र-चट्टोपाध्यायः स्वाभिः कालजयीभिः रचनाभिः राष्ट्रभक्तिं राष्ट्रीय-चेतनां च जागरितवान्। भारतीय-बौद्धिक-साहित्यिक-राष्ट्रवादी-परम्परायां तस्य योगदानं सर्वदा अविस्मरणीय: प्रेरणास्रोतश्च भविष्यति।
Hindusthan Samachar / Divya Ranjan