नवदिल्ली- 26जूनमासः (हि.स.) उपराष्ट्रपतिः सी. पी. राधाकृष्णन् तथा केन्द्रीय-गृह-सहकार-मन्त्रिणः अमितशाहः च अद्य अन्ताराष्ट्रिय-मादकद्रव्याणां दुरुपयोग-विरुद्ध-दिने 'नशा-मुक्त-भारत' इत्यस्य निर्माणस्य सामूहिक-संकल्पं पुनरावर्तयितुं देशवासिनां प्रार्थनां कृतवन्तः।

उपराष्ट्रपतिः एक्स इत्यस्मिन् अवदत् यत्, मादकद्रव्याणां दुरुपयोगस्य अवैध-व्यापारस्य च विरुद्धं अन्ताराष्ट्रिय-दिने, वयं 'नशा-मुक्त-भारत' इत्यस्य निर्माणस्य सामूहिकं संकल्पं पुनरावर्तयामः। इदं अभियानं सक्रियतया प्रवर्तयन्तः विश्वविद्यालयाः, शैक्षणिकसंस्थाः, संस्थाः च अहम् प्रशंसामि। तेषां प्रयत्नाः सुदृढं, स्वस्थं, मादकद्रव्यमुक्तं च भारतस्य निर्माणे सार्थक-योगदानं कुर्वन्ति। मिलित्वा, वयं जागरूकतायाः प्रसारं कुर्मः, मादकद्रव्याणां त्यागस्य प्रक्रियायां तेषां समर्थनं कुर्मः, तथा च व्यसनस्य अपेक्षया जीवनस्य आशायाः, स्वास्थ्यस्य, उद्देश्यस्य च चयनार्थं युवान् प्रेरयामः इति

अमितशाहः अवदत् यत् प्रधानमन्त्रिणा नरेन्द्रमोदीवर्यस्य नेतृत्वे भारतं मादकद्रव्याणां दुरुपयोगस्य वैश्विकप्रतिसन्धिं विरुद्ध्य सर्वाधिकं प्रबलं युद्धं कृतवान् इति। अस्य अन्तर्गतं नार्को-कार्टेल्स् (अन्ताराष्ट्रिय-अपराध-सङ्घटनानि) कठोरतया निष्कासिताः सन्ति तथा च प्रभावितानां जनानां समुचित-परिचर्यया सहानुभूत्या च उपचारः कृतः अस्ति। अयं दिवसः अस्माकं युवा-पीढिं मादकद्रवेभ्यः रक्षयितुं अस्माकं संकल्पं इतोऽपि सुदृढं करोतु।

--------

Hindusthan Samachar / Dheeraj Maithani