कोलकातानगरम्, २६ जूनमासः (हि.स.)। राष्ट्रिय-अन्वेषण-अभिकरणेन प्रतिषिद्ध-आतङ्कवादी-सङ्घटनस्य जमातुल-मुजाहिदीन-बाङ्ग्लादेशस्य सहयोगि-नमूना-सम्बद्धे आतङ्कवादी-षड्यन्त्र-प्रकरणे एकादश-अभियुक्तानां विरुद्धम् आरोपपत्रं समर्पितम्। एतद् आरोपपत्रम् असमप्रदेशस्य गुवाहाटीनगरस्थिते विशेष-न्यायालये भारतीय-न्याय-संहिता, २०२३ तथा अवैध-क्रियाकलाप-निवारण-अधिनियम, १९६७ इत्यस्य विभिन्न-धारासु अन्तर्गतं प्रस्तुतम्।

एनआईए-संस्थया अद्य प्रातः प्रकाशित-वक्तव्यस्य अनुसारं, अन्वेषणे ज्ञातं यत् इमाम-महमूदर-काफिला नामकं सङ्घटनं, यः जमातुल-मुजाहिदीन-बाङ्ग्लादेशस्य एकं स्वरूपम् इति कथ्यते, पश्चिमबङ्गे तथा पूर्वोत्तर-राज्येषु, विशेषतः असम-त्रिपुरा-राज्ययोः, स्वस्य आतङ्कवादी-विचारधारायाः जालस्य च विस्तारार्थं षड्यन्त्रं रचयति स्म।

अन्वेषण-अभिकरणस्य अनुसारम् अस्य षड्यन्त्रस्य अन्तर्गतं सङ्गठनस्य कट्टर-विचारधारायाः प्रचारः, यूनां उग्रपन्थीकरणम्, भारते सङ्घटनस्य जालस्य सुदृढीकरणस्य च प्रयासः क्रियते स्म। अन्वेषणे एतदपि ज्ञातं यत् इमाम-महमूद-हबीबुल्लाहः, यः जमातुल-मुजाहिदीन-बाङ्ग्लादेशस्य वरिष्ठः सदस्यः अस्ति, भारते सङ्घटस्य गतिविधीनां विस्तारार्थम् इमाम-महमूदर-काफिला इति सङ्घटनस्य स्थापना कृतवान्।

एनआईए-संस्थया उक्तं यत् अभियुक्ताः गुप्त-सभासु, धार्मिक-वैचारिक-कार्यक्रमेषु, कट्टरपन्थी-साहित्यस्य प्रसारे तथा डिजिटल-माध्यमैः भारत-विरोधि-प्रचारे संलग्नाः आसन्। तदतिरिक्तं ते सङ्घटनस्य नेतृत्वे निष्ठां वर्धयितुं नूतन-सदस्यान् संयोजयितुं च प्रयतन्ते स्म। आरोपपत्रे समाविष्टेषु प्रमुख-अभियुक्तेषु नसीमुद्दीनः असमप्रदेशे तथा जागिर-मियाँ त्रिपुराराज्ये सङ्घटनस्य गतिविधीनां प्रमुख-सञ्चालकौ इति निर्दिष्टौ स्तः।

अन्वेषणस्य समये एनआईए-संस्थया अनेकानि आपत्तिजनक-दस्तावेजानि, इलेक्ट्रॉनिक-उपकरणानि तथा डिजिटल-अभिलेखाः गृहीताः, ये अभियुक्तानां विरुद्धं साक्ष्यरूपेण आरोपपत्रे समाविष्टाः सन्ति।

Hindusthan Samachar / Divya Ranjan