Enter your Email Address to subscribe to our newsletters
जयपुरनगरम्, जूनमासस्य २६ दिनाङ्कः (हि.स.)। राजस्थानीलेखिकासंस्थानेन वार्षिकः साहित्यिकोत्सवः ‘साळीणो–उछब’ जूनमासस्य २८ दिनाङ्के प्रौढशिक्षणसमितेः झालाना-परिसरे आयोजयिष्यते। अस्य आयोजनस्य उद्देश्यं राजस्थानीभाषां साहित्यं च नववंशेन सह सम्बद्धं कर्तुम्, महिला-साहित्यकाराभ्यः सशक्तं मञ्चं प्रदातुम्, साहित्यिकसंवादाय च नूतनाम् ऊर्जां दातुमस्ति।
कार्यक्रमसंयोजिका मोनिकागौडः अवदत् यत् अस्मिन् आयोजने प्रदेशस्य विभिन्नभागेभ्यः वरिष्ठाः युवा-साहित्यकाराश्च सहभागं करिष्यन्ति। कार्यक्रमस्य उद्घाटनं सम्मानसमारोहश्च प्रातः १०:१५ वादने भविष्यतः। अस्य अध्यक्षतां वरिष्ठसाहित्यकारा दमयन्ती-कछवाहा करिष्यति। मुख्यातिथिरूपेण वरिष्ठसाहित्यकारः गीतकारश्च सत्यदेवसंवितेन्द्रः, विशिष्टातिथिरूपेण च दिनेशकुमारजाङ्गिडः ‘सारङ्ग’ उपस्थितः भविष्यति। चळकोई-फाउण्डेशन-इत्यस्य अध्यक्षः राजवीरसिंहः चळकोई बीजभाषणं दास्यति, संस्थाध्यक्षा वरिष्ठसाहित्यकारा डा.शारदाकृष्णा च स्वागतभाषणं करिष्यति।
आयोजनस्य अन्तर्गतं लोकार्पणं पुस्तकचर्चासत्रं च भविष्यति। अस्मिन् अवसरे डा.शारदाकृष्णायाः ‘घर कीं कैवणो चावै’ इति कृतिः लोकार्पिता भविष्यति। तथा जीनसकंवर-महोदयायाः ‘रेत नै बणा आरसी’ इति पुस्तके युवा-साहित्यकारा सुनीताबिश्नोलिया वरिष्ठसाहित्यकारा डा.दर्शनाकंवरः ‘उत्सुक’ च चर्चा प्रस्तोष्यतः। अस्य सत्रस्य सञ्चालनं सन्तोषचौधरी करिष्यति, अध्यक्षतां च डा.घनश्याम-नाथकच्छावा वहिष्यति।
संस्थानस्य अभिलाषापारीकः अवदत् यत् ‘राजस्थानी युवा कविताई रा सुर’ इति सत्रे प्रदेशस्य विभिन्नजनपदेभ्यः आगताः युवा-रचनाकाराः स्वस्वरचनानां वाचनं करिष्यन्ति। तेषु अक्षिता (बीकानेरनगरम्), अनिता सैनी (सीकरनगरम्), अवन्तिका (ब्यावरनगरम्), जेठानन्दपंवारः (बाड़मेर-नगरम्), कपिलापालीवालः (जयपुर-नगरम्), गजराजकंवरः (नागौरनगरम्), मीनाक्षीपारीकः (रीङ्गसनगरम्) तथा कृषगौडः (जयपुरनगरम्) समाविष्टाः सन्ति। अस्य सत्रस्य सञ्चालनं कामनाराजावतः करिष्यति।
संस्थानस्य बिमलानागला इत्यनया सूचितं यत् समापनसत्रस्य अध्यक्षतां वरिष्ठ-साहित्यकारः राजेन्द्रमोहनशर्मा करिष्यति। मुख्यातिथिरूपेण डा.आशापाण्डे-ओझा, विशिष्टातिथिरूपेण च डा.सुशीला शीलः उपस्थिते भविष्यतः। समापनसत्रस्य सञ्चालनं मधुरपरिहारः करिष्यति।
Hindusthan Samachar / Divya Ranjan