सागरजनपदः, जूनमासस्य २६ दिनाङ्कः (हि.स.)। मध्यप्रदेशस्य सागरजनपदे उल्दनसेतुनिर्माणपरियोजनया प्रभावितानां ग्रामवासिनां समस्यासमाधानाय तथा तेषां निवेदनानां शीघ्रनिराकरणार्थं सागरप्रशासनेन शुक्रवासरे उल्दनग्रामे विशेषशिविरम् आयोजितम्। समाहर्त्र्याः प्रतिभापाल-महोदयायाः निर्देशानुसारम् आयोजितेऽस्मिन् शिविरे जलमग्नक्षेत्र-प्रभावितपरिवाराणां समस्याः श्रुताः, बहूनां प्रकरणानां च स्थले एव समाधानं कृतम्।

अस्मिन् शिविरे विविधविभागानाम् अधिकारीणः, तकनीकीविशेषज्ञाः, सम्बन्धितविभागानां दलानि च उपस्थितानि आसन्। जलमग्नक्षेत्रात् आगताः ग्रामवासिनः स्वसमस्याः स्वमाङ्गल्यनिवेदनानि च अधिकारीणां पुरतः प्रस्तुतवन्तः। अस्मिन् अवसरे भूमेः सम्पत्तेश्च मूल्याङ्कनसम्बद्धानि निवेदनानि, पुनर्वासस्थले मूलभूत-सुविधानाम् उपलब्धता, पात्रतासूच्यां नामसंयोजनम्, संशोधन-सम्बद्धानि आवेदनानि च विचारितानि।

प्रशासनिकाधिकारीणः ग्रामवासिनः विस्थापनप्रक्रियायाः विषये अवगतवन्तः। ते अवदन् यत् प्रभावितपरिवाराणां हितानि दृष्ट्वा सम्पूर्णा प्रक्रिया पारदर्शितया सम्पन्ना क्रियते। अधिकारीणः अपि उक्तवन्तः यत् एषा सेतुपरियोजना प्रदेशस्य विकासाय महत्त्वपूर्णा वर्तते, अस्याः सफलकार्यान्वयनाय ग्रामवासिनां सहयोगः अत्यावश्यकः।

प्रशासनस्य पक्षतः उक्तं यत् प्रभावितपरिवाराणाम् अधिकाराणां सौविध्यानां च सम्यक् संरक्षणं भविष्यति। विस्थापनप्रक्रियायां कश्चन नागरिकः किमपि क्लेशं न अनुभवेयात्, पुनर्वासप्रक्रिया च समये सम्पन्ना भवेदिति प्रयत्नः क्रियते।

अस्य विशेषशिविरस्य आयोजनात् ग्रामवासिनां मनसि विद्यमानाः अनेकाः आशङ्काः भ्रान्तयश्च अपगताः। प्रशासनम् आश्वासितवान् यत् भविष्येऽपि सेतुप्रभावितपरिवाराणां समस्या-समाधानार्थम् एवंविधानि विशेषशिविराणि आयोजयिष्यन्ते, येन विस्थापन-पुनर्वासप्रक्रिया सुचारुरूपेण सुव्यवस्थित-रूपेण च सम्पन्ना भवेत्।

Hindusthan Samachar / Divya Ranjan