Enter your Email Address to subscribe to our newsletters
नवदेहली, जूनमासस्य २७ दिनाङ्कः (हि.स.)। काङ्ग्रेस-पक्षेण तमिलनाडु-राज्ये महत् सङ्गठनात्मकपरिवर्तनं कृत्वा राज्यसभासदस्यः बी. मणिकम् टैगोरः तमिलनाडु-प्रदेश-काङ्ग्रेस-समितेः नूतनः अध्यक्षः नियुक्तः। अस्य नियुक्तिः सद्यः प्रभावी अभवत्।
काङ्ग्रेस-पक्षस्य महासचिवेन के.सी. वेणुगोपालेन शनिवासरे निर्गतायाम् आधिकारिकसूचनायां उक्तं यत् पक्षाध्यक्षस्य मल्लिकार्जुन-खर्गे-निर्देशानुसारं बी. मणिकम् टैगोराय तमिलनाडु-प्रदेश-काङ्ग्रेस-समितेः नेतृत्वदायित्वं समर्पितम्। तस्मै राज्ये सङ्गठनस्य सुदृढीकरणस्य तथा पक्षगतिविधीनां प्रवेगवर्धनस्य उत्तरदायित्वं प्रदत्तम्।
अस्मिन् सङ्गठनात्मकपरिवर्तने बी. मणिकम् टैगोरः निवर्तमानप्रदेशाध्यक्षं के. सेल्वपेरुन्थगैम् प्रतिस्थापयिष्यति। पक्षेण के. सेल्वपेरुन्थगैः प्रदेशाध्यक्षपदस्य दायित्वात् विमुक्तः। राज्ये सङ्गठनस्य कृते तेन कृतानां योगदानानां सेवायाश्च पक्षेण प्रशंसा कृता।
Hindusthan Samachar / Divya Ranjan